२० नोव्हेंबर रोजी सज्जनगड-करंडी येथील वारकरी दिंडीचे आगमन; ग्रामस्थांना स्वागतासाठी उपस्थित राहण्याचे आवाहन
रिटकवली : कार्तिकी एकादशीनिमित्त रिटकवली येथील आई महाकाली माता मंदिराचे विश्वस्त आणि ग्रामस्थ यांच्या वतीने श्री ज्ञानोबा राया गुरुकुल वारकरी शिक्षण संस्था, करंडी-सज्जनगड, परळी येथील वारकरी दिंडीचे आयोजन करण्यात आले आहे. ही दिंडी शुक्रवार, दि. २० नोव्हेंबर रोजी रिटकवली गावात मुक्कामी येणार आहे.
श्री ज्ञानोबा राया गुरुकुल वारकरी शिक्षण संस्थेची ही दिंडी तीर्थक्षेत्र आंबेघर येथून प्रवास करीत रिटकवली गावात दाखल होणार आहे. या धार्मिक सोहळ्याच्या निमित्ताने गावात भक्तिमय वातावरण निर्माण होणार आहे.
दिंडीच्या स्वागतासाठी गावातील सर्व ग्रामस्थ, महिला मंडळ, माता-भगिनी, लहान-थोर आणि ज्येष्ठ नागरिकांनी उपस्थित राहावे. तसेच दिंडीचे उत्साहात स्वागत करून वारकरी बांधवांना सहकार्य करावे, असे आवाहन ग्रामस्थ मंडळ आणि आई महाकाली माता मंदिर रिटकवलीच्या विश्वस्तांच्या वतीने करण्यात आले आहे.










