क्लाउड कॉम्प्युटिंग ऑनलाइन अभ्यासक्रमात विद्यार्थ्यांची चमक; गायत्री पागिरे प्रथम, साक्षी विंचू द्वितीय, वैष्णवी धांगे तृतीय
येवला | प्रतिनिधी :
येथील जगदंबा एज्युकेशन सोसायटी संचलित संतोष एन. दराडे पॉलिटेक्निक महाविद्यालयाच्या कॉम्प्युटर इंजिनिअरिंग विभागातील तृतीय वर्षाच्या (TYCO) ३६ विद्यार्थ्यांनी NPTEL (National Programme on Technology Enhanced Learning) अंतर्गत आयोजित ‘क्लाउड कॉम्प्युटिंग’ या ऑनलाइन अभ्यासक्रमात यश संपादन केले आहे. जुलै ते डिसेंबर २०२६ या सत्रातील या अभ्यासक्रमात विद्यार्थ्यांनी उल्लेखनीय गुण मिळवत महाविद्यालयाच्या शैक्षणिक यशात भर घातली आहे.
या परीक्षेत गायत्री हरिश्चंद्र पागिरे हिने ७९ टक्के गुण मिळवून प्रथम क्रमांक पटकावला. साक्षी गंगाधर विंचू हिने ७८ टक्के गुणांसह द्वितीय, तर वैष्णवी सुनील धांगे हिने ७७ टक्के गुण मिळवून तृतीय क्रमांक मिळवला.
याशिवाय पूजा हरिश्चंद्र पागिरे (७६%), धनंजय बागुल (७५%), गायत्री अरुण बोराडे (७१%) आणि गायत्री शरद सांगळे (७०%) यांनीही उल्लेखनीय गुण मिळवले. या अभ्यासक्रमात विभागातील एकूण ३६ विद्यार्थ्यांनी यशस्वीरीत्या सहभाग नोंदवला.
क्लाउड कॉम्प्युटिंगसारख्या आधुनिक तंत्रज्ञान विषयात विद्यार्थ्यांनी मिळवलेले यश त्यांच्या मेहनतीचे, जिद्दीचे आणि तांत्रिक ज्ञान आत्मसात करण्याच्या प्रयत्नांचे फलित आहे. NPTEL अभ्यासक्रमांमुळे विद्यार्थ्यांना अद्ययावत तंत्रज्ञानाचे ज्ञान मिळण्याबरोबरच कौशल्यविकास आणि रोजगाराभिमुख शिक्षणाची संधी उपलब्ध होत आहे.
या यशस्वी विद्यार्थ्यांना विभागाचे NPTEL समन्वयक प्रा. भांबरे ए. एस. आणि प्रा. परदेशी के. डी. यांचे मार्गदर्शन लाभले. तसेच मार्गदर्शक प्रा. संसारे एम. एस., विभागप्रमुख प्रा. शेख एस. एफ. आणि महाविद्यालयाचे प्राचार्य डॉ. जाधव यू. बी. यांनी विद्यार्थ्यांचे अभिनंदन करून पुढील वाटचालीस शुभेच्छा दिल्या.
महाविद्यालयाच्या या यशाबद्दल संस्थेचे पदाधिकारी, प्राचार्य, विभागप्रमुख, शिक्षक आणि शिक्षकेतर कर्मचाऱ्यांनी सर्व यशस्वी विद्यार्थ्यांचे कौतुक केले आहे.










