टिपू सुलतान चौक ते मुख्य मार्गावर प्रतिमेची मिरवणूक; ध्वजारोहण, बाइक रॅलीसह विविध कार्यक्रमांचे आयोजन
जळकोट | प्रतिनिधी : जळकोट शहरात टिपू सुलतान यांची जयंती मोठ्या उत्साहात आणि सार्वजनिक स्वरूपात साजरी करण्यात आली. मुस्लिम समाजातील नागरिक, तरुणवर्ग आणि जळकोट शहरातील विविध मान्यवरांच्या सहभागातून जयंतीनिमित्त कार्यक्रमांचे आयोजन करण्यात आले.
यावेळी टिपू सुलतान चौकातून मुख्य मार्गावरून प्रतिमेची मिरवणूक काढण्यात आली. शहरातील मुस्लिम बांधव आणि तरुणांनी मोठ्या संख्येने सहभाग नोंदविला. जयंतीनिमित्त ध्वजारोहण, बाइक रॅली आणि इतर कार्यक्रमही आयोजित करण्यात आले.
ध्वजारोहण उपनगराध्यक्ष मन्मथ आप्पा किडे आणि नगराध्यक्ष प्रतिभाताई कांबळे यांच्या उपस्थितीत करण्यात आले. बाइक रॅलीत धोंडू तात्या पाटील, ओमकार धुळशेट्टी, महेश धुळशेट्टी, बाळू देवशेट्टी, संग्राम नामवाड, गोविंद भरमन्ना, नगरसेविका गवळी बाई तसेच सर्व नगरसेवक सहभागी झाले होते.
या कार्यक्रमासाठी जयंती समितीचे अध्यक्ष अजम भांडे, उपाध्यक्ष शफी मोमीन आणि सचिव मुबीन बागवान यांनी पुढाकार घेतला. संस्थापक अध्यक्ष मुस्तफा बागवान, इनुस सय्यद, नईम कोतवाल, माझीत लाटवाले, रियाज लाटवाले, सुलतान बागवान, मुबारक बागवान, अविनाश भाऊ गायकवाड, सिद्धार्थ वाघमारे, आकाश कदम, अक्रम सय्यद, मुस्तफा कोतवाल, खय्युम कोतवाल, शाहूर बागवान यांच्यासह अनेक नागरिक उपस्थित होते.
जळकोट शहरातील नागरिक आणि तरुणांच्या सहभागामुळे जयंती उत्साहात पार पडली.









