तीन वेळा माजी मंत्र्यांना पराभवाची धुळ चारणाऱ्या आमदार दत्तात्रय भरणे यांची मंत्रीपदी वर्णी; अजितदादांचे अत्यंत विश्वासू म्हणून दत्तात्रय भरणे यांची ओळख…

इंदापूर तालुका प्रतिनिधी – संतोष मिंड

इंदापूर – कोणताही राजकीय वारसा नसतानाही एका कार्यकर्त्यांपासून सामाजिक कामांना सुरवात करणारे आमदार दत्तात्रय भरणे यांची पुन्हा एकदा मंत्रीपदी वर्णी लागली आहे. इंदापूरचे आमदार दत्तात्रय भरणे हे शेतकरी कुंटूबातील आहेत. कुंटूबाला कसलाही राजकीय वारसा नाही. आपलं काम व कायमच इंदापूरच्या जनतेच्या सुखदुःखात सहभागी असणारे आणि विकासाच्या जोरावर आज त्यांनी मंत्रीपदापर्यंत मजल मारली आहे. उपमुख्यमंत्री अजित पवार यांचे कट्टर समर्थक व विश्‍वासू आमदार म्हणून दत्तात्रय भरणे यांची ओळख आहे.
आमदार दत्तात्रय भरणे यांनी 1992 साली वयाच्या 22 व्या वर्षी भवानीनगर मधील श्री छत्रपती सहकारी साखर कारखान्याचे संचालकपदापासून त्यांच्या कारकिर्दीला सुरवात झाली आहे आणि आज 2024 मध्ये मंत्री पदाची शपथ घेत त्यांची घौड दौड सुरूच आहे.

     आमदार दत्तात्रय विठोबा भरणे यांची कारकीर्द

जन्म- 15 एप्रिल 1969

प्राथमिक शिक्षण- भरणेवाडी

उच्च शिक्षण- बारामती व पुणे येथे पार पडले.

1992साली छत्रपती साखर कारखान्याच्या संचालक पदापासून राजकीय सुरुवात

1998 साली पुणे जिल्हा बँकेवर संचालक पदी संधी

2000 साली पुणे जिल्हा बँकेच्या चेअरमनपदी वर्णी.

2002 साली छत्रपती साखर कारखान्याच्या चेअरमनपदाची धुरा सांभाळली.

2009 साली विधानसभेची निवडणूक लढवली होती. त्यावेळी त्यांना अवघ्या साडे तीन हजार मतांनी निसटता पराभव झाला होता.

2012 साली जिल्हा परिषदेच्या अध्यक्ष पदाची संधी.

2014 च्या विधानसभा निवडणुकीत हर्षवर्धन पाटील यांचा पराभव करून इंदापूरचे आमदार पद पटकावले.

2019 साली पुन्हा एकदा हर्षवर्धन पाटील यांचा पराभव केला महाविकास आघाडी सरकारमध्ये भरणे राज्यमंत्री झाले.

2024 ला पुन्हा एकदा हर्षवर्धन पाटील यांचा पराभव भरणेंनी केला आणि विजयाची हॅट्रिक साधली, यावेळी अजित पवारांनी त्यांना मंत्रीपदाची संधी दिली.