सांगली चे नूतन जिल्हाधिकारी तथा महापालिकेचे प्रभारी आयुक्त तथा प्रशासक अशोक काकडे यांनी महापालिकेच्या कामकाजाचा आढावा घेऊन सद्य स्थितीची माहिती घेतली प्रशासन काळातील सुरु असलेल्या कामाबाबत समाधान व्यक्त केले. अति आयुक्त रविकांत अडसूळ यांनी मा.जिल्हाधिकारी यांचे स्वागत करून मनपा कामाबाबत चर्चा केली. शहर अभियंता पृथ्वीराज चव्हाण यांनी शासन स्तरावर सध्या चालू असलेल्या विविध योजना बाबत माहिती दिली, तसेच कार्यकारी अभियंता चिदानंद कुरणे यांनी शहरास होणाऱ्या पाणी पुरवठा बाबत माहिती दिली आहे, तसेच चालू असलेल्या शासकीय योजना अंतर्गत ड्रेनेज योजना आणि शेरीनाला, वारणा उद्दव समडोळी अगर चांदोली(वारणा) धरण योजना बाबत माहिती दिली. जिल्हाधिकारी अशोक काकडे यांनी नागरिकांना स्वच्छ व मुबलक पाणी पुरवठा उपलब्ध करून देण्यासाठी चांगले नियोजन करण्या बाबत सूचना दिल्या, तसेच नागरिकांचे हित समोर ठेऊन प्रत्येक विभागाच्या विभाग प्रमुखांनी योग्य नियोजन करण्याच्याही सूचना त्यांनी यावेळी दिल्या. नगररचना विभागा कडून विकास योजना बाबत माहिती देत असताना एकूण ५३९ आरक्षणे प्रस्तावित करण्यात आली होती, त्या पैकी ६४ आरक्षण विकसित करण्यात आली असल्याची माहिती नगररचनाकार श्रीमती देवकाते यांनी या वेळी दिली. आगामी अर्थसंकल्प २०२५-२६ बाबत लेखा विभागाचे मुख्य लेखापाल अभिजित मेगडे यांनी माहिती दिली, महापालिका क्षेत्रामधील खुल्या भूखंडास मनपाचे नाव लावण्याच्या सूचना महसूल विभागाच्या अधिकाऱ्यांना या वेळी जिल्हाधिकारी यांनी या वेळी दिल्या .
आपत्ती व्यवस्थापन बाबत माहिती या वेळी सहा आयुक्त नकुल जकाते यांनी दिली आहे. मान्सूनपूर्व तयारी बाबत आढावा घेण्यात आला. आपत्ती व्यवस्थापन बाबत कृती आराखडा तयार करण्या बाबत मा जिल्हाधिकारी यांनी सूचना दिल्या.
नाले सफाई बाबत नियोजनाची माहिती उप आयुक्त वैभव साबळे यांनी दिली एकूण ६८नाले ७०किमी लांबीचे असून ६० ते ७० दिवसात स्वच्छता करण्याचे नियोजन करण्यात आले असल्याचे या वेळी त्यांनी सांगितले. घनकचरा व्यवस्थापन बाबत माहिती पर्यावरण अभियंता अजित गुजराती यांनी माहिती दिली आहे, समडोळी आणि वड्डी येथील कचरा डेपो बाबत माहिती देऊन मनपा वतीने उभारण्यात येणाऱ्या नवीन प्रकल्पाच्या बाबत माहिती त्यांनी दिली दैनंदिन स्वच्छता आणि कचरा व्यवस्थापन बाबत माहिती दिली.
मनपाच्या प्रस्तावित नवीन कार्यालय बाबत माहिती घेऊन त्या कामी सहकार्य करण्यात येईल असे या वेळी सांगितले आहे .या वेळी उप आयुक्त विजया यादव ,सहा आयुक्त आकाश डोईफोडे, नकुल जकाते ,सचिन सागावकर, अनिस मुल्ला तसेच सर्व विभागाचे प्रमुख उपस्थिती होती,
आभार उप आयुक्त वैभव साबळे यांनी मानले आहे.
Discussion about this post