🌸 कैरी गळ आंबा मोहोर संकटात, कोकणातील शेतकरी चिंताग्रस्त 🌸

🌸 देवगड गेले काही दिवस जिल्ह्यात किमान आणि कमाल तापमानात मोठी तफावत दिसून येत आहे.त्यामुळे सकाळच्या सत्रात धुके आणि थंड वातावरण तर दुपारी कडकडीत ऊन यामुळे हापूस कलमावर लागलेली शेंगदाणा एवढी कैरी पिवळी पडून गळून जात आहे. यंदा जानेवारी महिन्यात नैसर्गिक रित्या मोहर येण्याचे प्रमाण अल्प व पुष्कळ असे दिसले तरी मे महिन्यात उत्पादन कमीच राहील अशी शेतकऱ्यांनी चिंता व्यक्त केलेली आहे. यंदाचा आंबा हंगाम समाधानकारक जाईल अशी शक्यता वर्तवण्यात येत आहे बदलत्या हवामानामुळे मोहराला आलेली बारीक कैरी घडून जात आहे, फळांची गळती सुद्धा होत आहे असे शेतकऱ्याला यंदा वातावरणात च्या बदलामुळे दिसण्यात आलेले आहे, तापमानात होणाऱ्या बदलामुळे फळ गळ या वाढीचे प्रमाण वाढलेले आहे. फळाची गळ कमी करण्यासाठी पाण्याच्या उपलब्धतेनुसार आठवड्यातून एकदा शंभर लिटर पाणी प्रत्येक झाडाला द्यावे ते पंधरा दिवसातून एकदा द्यावे तर त्याचा फायदा फळ गळतीवर होईल, तसेच झाडाच्या बुंध्या भोवती अळ्यामध्ये झाडाच्या पानाचे आच्छादन करावे त्यामुळे सुद्धा आंबा फळगळ ही कमी करता येते. फळाची प्रत राखण्यासाठी पोटॅशियम नायट्रेटची फवारणी करावी अशा सूचना कोकण कृषी विद्यापीठाने आंबा बागायतदार शेतकऱ्यांना दिल्या आहेत 🌸 देवगड तालुका प्रतिनिधी अमोल शिर्के सारथी महाराष्ट्राचा ७८२२००७४३१🌸