पंडित दीनदयाळ विद्यालयात इयत्ता दहावीच्या विद्यार्थ्यांचा शुभेच्छा समारंभ कार्यक्रम संपन्न झाला

शेतकऱ्यांनी विविध योजनेसाठी ॲग्रीस्टॅक फार्मर आयडी काढून घ्यावे.- शंकर झाडे वडवणी ( प्रतिनिधी :)- भारत कृषी अभियानांतर्गत भारत देशातील अनेक राज्यांमध्ये शेतकऱ्यांसाठी शासनाच्या वतीने ॲग्रीस्टॅक अंतर्गत शेतकरी ओळखपत्र क्रमांक योजना सुरू आहे . शेतकरी ओळखपत्र हे ॲग्री स्टॅक प्लॅटफॉर्म चा महत्त्वाचा भाग आहे. जो शेतकऱ्याची ओळख सुरक्षित करण्यात आणि त्यांना सरकारी सेवेचा लाभ मिळवून देण्यासाठी महत्त्वाचा ठरणार आहे. केंद्र शासनाने आधार कार्ड धरतीवर ॲग्रीस्टॅक फार्मर आयडी कार्ड योजना राबविली आहे. महसूल विभाग योजना ॲग्री स्टॅक योजनेच्या माध्यमातून कार्ड काढण्याची प्रक्रिया सध्या सुरू आहे सुरू आहे. हे प्रत्येक शेतकऱ्यास ॲग्रीस्टॅक फार्मर आयडी ( शेतकरी ओळख क्रमांक)काढणे अनिवार्य आहे.यापुढील काळात शेतकऱ्यांना पी.एम.किसान योजना,पीक विमा, नैसर्गिक आपत्ती अनुदान,पिक कर्ज,व इतर शासकीय योजनांचा लाभ घेण्यासाठी ही नोंदणी आवश्यक आहे.नोंदणी न केल्यास शेतकऱ्यांना कुठल्याही शासकीय योजनांचा लाभ मिळणार नाही.यांची नोंद घ्यावी .शेतकऱ्याची ओळख सुरक्षित करण्यात आणि त्यांना सरकारी सेवेचा लाभ मिळवून देण्यासाठी महत्त्वाचा ठरणार आहे. सदरील ओळखपत्र सर्व शेतकऱ्यांनी केंद्र शासन व राज्य शासनाच्या योजनेचा लाभ घेण्यासाठी काढणे आवश्यक आहे शेतकरी ओळख क्रमांक (फार्मर आयडी) काढण्यासाठी आधार कार्ड, मोबाईल नंबर, तसेच शेतीचा गट नंबर, माहीत आवश्यक आहे.तरी सर्व शेतकरी बांधवानी लवकरात लवकर काढून घेणे .असे आवाहन ग्राहक पंचायत महाराष्ट्र वडवणी तालुका अध्यक्ष शंकर झाडे यांनी केले आहे. शेतकरी ओळखपत्र ही आधार कार्ड अद्वितीय डिजिटल ओळखपत्र आहे जी राज्य भूमी अभिलेख प्रणालीशी सक्रिय जोडलेली आहे ओळख पत्र शेतकऱ्याच्या जमिनीच्या नोंदीमध्ये बदल झाल्यावर शेतकरी ओळखपत्र आपोआप अपडेट होईल. . किसान आयडी , शेतकरी- केंद्रित फायदे प्रदान करण्याचे उद्दिष्ट ठेवतो. कृषी क्षेत्रातील केंद्र सरकारच्या विविध योजना आणि सेवा शेतकऱ्यांना सुलभ आणि प्रभावीपणे उपलब्ध करून देण्याच्या उद्देशाने हे पाऊल उचलण्यात आले आहे. शेतीची संबंधित कामासाठी कर्ज प्रक्रिया सोपी करणे शेतकरी आयडीचा वापर शेतकऱ्यांना कोणत्याही कागदपत्राशिवाय किंवा बँकांना भेट न देता कर्ज देण्यासाठी केला जाऊ शकतो . शेतकरी नोंदणी शेतकऱ्याची पडताळणी पात्रता स्थापित करते. यामुळे शेतकऱ्यांना वारंवार केवायसी करण्याच्या त्रासातून मुक्तता मिळणार आहे. शेतकरी नोंदणी मध्ये नोंदणी केल्यानंतर भविष्यात शेतकऱ्यांना पंतप्रधान किसान सन्मान निधीच्या हप्त्याचा लाभ मिळेल. जर ओळखपत्र आले नाही तर योजनेचा लाभले घेता येणार नाही. शेतकरी नोंदणी द्वारे शेतकऱ्याचे जीवनमान सुधारण्यासाठी चांगल्या योजनाआखता येतील. मात्र जे ओळखपत्र काढणार नाही त्यांना मिळणाऱ्या लाभापासून वंचित राहावे लागेल. शेतकरी ओळखपत्राच्या माध्यमातून कर्ज घेण्यास मदत मिळू शकेल. तसेच खते बियाणे कृषी उपकरणे खरेदी करण्यासाठी अनुदानाचा सुविधा मिळेल त्यासाठी सर्वांनी ओळखपत्र काढणे अत्यंत आवश्यक आहे.