शेअर मार्केटमध्ये गुंतवणुकीचे आमिष दाखवून फसवणूक; दोघांविरुद्ध गुन्हा

विलास लव्हाळे जिल्हा प्रतिनिधी यांच्याकडून शेअर मार्केटमध्ये गुंतवणुकीचे आमिष दाखवून फसवणूक; दोघांविरुद्ध गुन्हावैजापूर,

दि. १ (सा.वा.) -शेअर मार्केटमधील गुंतवणुकीतून चांगला परतावा देण्याचे आमिष दाखवून माजी सैनिकासह त्यांच्या सहकाऱ्यांची ८६ लाख ७१ हजार रुपयांची फसवणूक केल्याची घटना वैजापुरात शुक्रवारी उघडकीस आली. याप्रकरणी एका महिलेसह दोन जणांविरुद्ध वैजापूर पोलीस ठाण्यात शनिवारी सकाळी दहा वाजता फसवणुकीचा गुन्हा दाखल करण्यात आला आहे.

याप्रकरणी सेवानिवृत्त माजी सैनिक संजीव श्यामराव मतसागर (रा. जरुळ)यांनी पोलिसांत फिर्याद दिल्यानंतर शनिवारी ही कारवाई करण्यात आली. सचिन बाबासाहेब बडे व अश्विनी विलास खेडकर, (दोघे रा. खिर्डी, ता. पाथर्डी) अशी आरोपींची नावे आहेत. सध्या ते वैजापूर शहरातील स्वामी समर्थनगर भागात राहत असल्याचे तक्रारीत म्हटले आहे.या दोघांनी स्वामी एंटरप्रायझेस ही प्रायव्हेट लिमिटेड संस्था स्थापन करून आमच्या संस्थेमध्ये शेअर मार्केटमध्ये गुंतवणूक करा व गुंतवणूक केलेल्या पैशावर दहा टक्के परतावा मिळेल, असे आमिष संजीवमतसागर व त्यांच्या सहकाऱ्यांना दाखवले. या आमिषाला भुलून मतसागर व अन्य व्यक्तींनी मागील वर्षी १९ जुलै ते १० ऑक्टोबर या कालावधीत ८६ लाख ७१ हजार रुपये गुंतवले. मात्र आरोपींनी या रकमेवर दहा टक्के परतावा न देता तसेच मूळ रक्कम न देता फिर्यादी व अन्य व्यक्तींची आर्थिक फसवणूक केली अशी तक्रार देण्यात आली आहे. त्यावरून वैजापूर पोलीस ठाण्यात गुन्हा दाखल करण्यात आला असून, पुढील तपास एपीआय विजय देशमुख हे करीत आहेत.