कल्याण (पूर्व) येथील विघ्नहर्ता रेसिडेन्सी येथे छत्रपती शिवाजी महाराजांच्या जयंतीनिमित्त १८ फेब्रुवारी २०२६ रोजी भव्य शिवजन्मोत्सव सोहळ्याचे आयोजन करण्यात आले आहे. १२ ते १७ फेब्रुवारी दरम्यान विविध स्पर्धा व कार्यक्रमांचे आयोजन करण्यात आले असून परिसरात उत्साहाचे वातावरण निर्माण झाले आहे.
कार्यक्रमाच्या निमित्ताने मुला-मुली, महिला व पुरुषांसाठी क्रीडा स्पर्धा घेण्यात येणार आहेत. तसेच १८ फेब्रुवारी रोजी महिलांसाठी विशेष कार्यक्रम “विघ्नहर्ता च्या गृहिणींसाठी” आयोजित करण्यात आला आहे.
१८ फेब्रुवारी रोजी सकाळी ७.०० वाजता शिवज्योत प्रस्थान किल्ले दुर्गाडी येथून होणार असून सकाळी ९.०० वाजता शिवज्योत आगमन होईल. सकाळी ९.३० वाजता मिरवणूक सोहळा तुकाराम विला ते विघ्नहर्ता सोसायटी दरम्यान पार पडेल. त्यानंतर सकाळी १०.४५ वाजता महाराजांचे पूजन व महाआरती करण्यात येईल. सकाळी ११.३० वाजता अल्पोपहाराचे आयोजन आहे.
दुपारी १२.३० वाजता चित्रकला स्पर्धा घेण्यात येणार असून सायंकाळी ५.०० वाजता सांस्कृतिक कार्यक्रम व पारितोषिक वितरण सोहळा पार पडणार आहे.
या शिवजन्मोत्सव सोहळ्याचे आयोजन शिवजन्मोत्सव समिती, विघ्नहर्ता रेसिडेन्सी, कल्याण (पूर्व) यांच्या वतीने करण्यात आले असून नागरिकांनी मोठ्या संख्येने उपस्थित राहण्याचे आवाहन आयोजकांनी केले आहे.
