नवी मुंबई महानगरपालिका परिमंडळ २ मध्ये प्लास्टिक पिशव्यांच्या वापराविरोधात विशेष धडक मोहीम राबविण्यात आली. या कारवाईदरम्यान नियमांचे उल्लंघन करणाऱ्यांकडून ५,००० रुपयांचा दंड वसूल करण्यात आला.
महापालिकेच्या अधिकाऱ्यांनी दिलेल्या माहितीनुसार, पर्यावरण संरक्षण व स्वच्छ शहर अभियानाच्या पार्श्वभूमीवर प्लास्टिकबंदीची अंमलबजावणी अधिक कडक करण्यात आली आहे. दंडात्मक कारवाईसोबतच नागरिकांमध्ये जनजागृती करणे हा या मोहिमेचा मुख्य उद्देश असल्याचे स्पष्ट करण्यात आले.
भविष्यातही अशा कारवाया सातत्याने सुरू राहणार असून व्यापारी व नागरिकांनी प्लास्टिकऐवजी पर्यावरणपूरक पर्यायांचा अवलंब करावा, असे आवाहन महापालिकेने केले आहे.
Source:
प्रतिनिधी,ठाणे : केतन सुनिल मोरे
