शिरोळ | प्रतिनिधी
लोकशाहीर साहित्यरत्न अण्णाभाऊ साठे यांच्या १०६ व्या जयंतीनिमित्त शिरोळ येथे विविध सामाजिक व सांस्कृतिक उपक्रमांचे आयोजन करून जयंती उत्साहात साजरी करण्यात आली. यानिमित्त विद्यार्थ्यांना शैक्षणिक साहित्य म्हणून वह्यांचे वाटप करण्यात आले.
कार्यक्रमाची सुरुवात अण्णाभाऊ साठे यांच्या प्रतिमेचे पूजन व अभिवादनाने करण्यात आली. उपस्थित मान्यवरांनी त्यांच्या साहित्यिक, सामाजिक आणि लोकशाहीर म्हणून केलेल्या कार्याचा गौरव करत त्यांच्या विचारांचा वारसा नव्या पिढीपर्यंत पोहोचविण्याचे आवाहन केले.
या कार्यक्रमाला संस्कार वर्धिनी हायस्कूलचे मुख्याध्यापक, शिक्षकवृंद, जिल्हा परिषद शाळा, शिरोळ येथील शिक्षक, ग्रामपंचायत शिरोळचे पदाधिकारी व सदस्य, गावातील प्रतिष्ठित नागरिक तसेच युवक आणि महिलांनी मोठ्या संख्येने उपस्थित राहून कार्यक्रमाला उत्स्फूर्त प्रतिसाद दिला.
जयंतीनिमित्त आयोजित वह्या वाटप उपक्रमाचे ग्रामस्थांनी स्वागत केले. अशा सामाजिक व शैक्षणिक उपक्रमांमुळे विद्यार्थ्यांना प्रेरणा मिळण्यासोबतच लोकशाहीर अण्णाभाऊ साठे यांच्या विचारांचा प्रसार होण्यास मदत होत असल्याची भावना उपस्थितांनी व्यक्त केली.
