अकोला | प्रतिनिधी :
अकोला शहरातील अकोट फैल उड्डाणपूल परिसरात घडलेल्या खुनाच्या प्रयत्नाच्या प्रकरणात अटक करण्यात आलेल्या चारही आरोपींना न्यायालयाने नियमित जामीन मंजूर केला आहे.
या प्रकरणी रामदास पेठ पोलीस ठाण्यात भारतीय न्याय संहितेच्या (BNS) कलम 109(1) अन्वये गुन्हा दाखल करण्यात आला होता. सदर प्रकरणाची सुनावणी विद्यमान द्वितीय जिल्हा व सत्र न्यायाधीश यांच्या न्यायालयात झाली.
सुनावणीदरम्यान सरकार पक्ष व बचाव पक्षाचा युक्तिवाद ऐकल्यानंतर न्यायालयाने आरोपी करण कैथवास, सुरज वाघमारे, गणेश खंडारे आणि कार्तिक बहुराशी यांना नियमित जामीन मंजूर केला.
आरोपींच्या वतीने ॲड. आकाश हिवराळे यांनी न्यायालयात बाजू मांडली. या आदेशामुळे प्रकरणाच्या पुढील न्यायालयीन प्रक्रियेकडे लक्ष लागले आहे.
