आजरा हायस्कूलमध्ये एस. एस. सी. बोर्ड परीक्षेला सामोरे जाणाऱ्या विद्यार्थ्यांसाठी आयोजित शुभेच्छा समारंभ उत्साहपूर्ण वातावरणात संपन्न झाला. कार्यक्रमाच्या अध्यक्षस्थानी जनता शिक्षण संस्थेचे अध्यक्ष व आजरा नगरपंचायतीचे नूतन नगराध्यक्ष मा. श्री अशोक अण्णा चराटीसो होते.तसेच मुख्य कार्यकारी अधिकारी मा. डॉ. श्री.अनिल देशपांडे,संचालक सु.ई.डांग, संचालक मा. श्री विजयकुमार पाटील, संचालक मा.श्री .के.वी. येसणे, सल्लागार सौ भालेराव मॅडम, माजी मुख्याध्यापक श्री. बी.एम. दरी उपस्थित होते . प्रस्ताविकामध्ये शाळेचे मुख्याध्यापक श्री. अजित तोडकर यांनी कार्यक्रमाचा हेतू स्पष्ट केला. विद्यार्थी व शिक्षकांच्या मेहनतीचे कौतुक केले व विद्यार्थ्यांना पुढील परीक्षेसाठी शुभेच्छा देत प्रोत्साहित केले.
अध्यक्षीय भाषणात मा श्री अशोकअण्णा चराटी यांनी विद्यार्थ्यांच्या उज्वल भविष्यासाठी सदिच्छा देत आत्मविश्वास, कठोर परिश्रम, वेळेचे नियोजन व सकारात्मक दृष्टिकोन ठेवून परीक्षेस सामोरे जावे असे आवाहन विद्यार्थ्यांना केले.
विद्यार्थी मनोगतामध्ये विद्यार्थ्यांनी जुन्या आठवणींना उजाळा देत भावनिक व प्रेरक भाषणे केली तसेच शिक्षकांबद्दल आदर, कृतज्ञता व्यक्त केली .
या कार्यक्रमाचे औचित्य साधून आजरा हायस्कूल मध्ये युवा अनस्टॉपेबल अहमदाबाद व एचडीएफसी सेल्स या एन.जी.ओ. मार्फत व आजरा हायस्कूलच्या उपमुख्याध्यापिका सौ एच एस कामत मॅडम यांच्या प्रयत्नातून शाळेसाठी दिलेल्या ड्रिंकिंग वॉटर एरिया ,12 केवी सोलर पॅनल, स्टेम लॅब, डिजिटल क्लासरूम व अत्याधुनिक वॉशरूम याचे उद्घाटन अनुक्रमे जनता शिक्षण संस्थेचे अध्यक्ष मा. अशोकअण्णा, मुख्य कार्यकारी अधिकारी मा. डॉ. श्री .अनिल देशपांडे ,संचालक मा. श्री. के.वी येसणे, सल्लागार सौ भालेराव यांच्या शुभहस्ते करण्यात आले.तसेच 2024- 25 साली झालेल्या एन. एम. एम. एस. परीक्षा तसेच इयत्ता पाचवी व आठवी स्कॉलरशिप परीक्षेतील गुणवंत विद्यार्थी व मार्गदर्शक शिक्षक यांचा सत्कार करण्यात आला.तसेच एलिमेंटरी व इंटरमिजिएट ड्रॉइंग परीक्षेमध्ये तालुक्यामध्ये सर्वाधिक विद्यार्थी “ए”श्रेणीत उत्तीर्ण झाले त्याबद्दल मार्गदर्शक कलाशिक्षक यांचा सत्कार करण्यात आला.
आजरा हायस्कूलचे माजी मुख्याध्यापक श्री. बी.एम.दरी यांनी डोंगराळ व दुर्गम भागातील विध्यार्थ्यांसाठी प्रोत्साहनपर कायम स्वरूपी बक्षीस जाहीर केले.
या कार्यक्रमाचे सूत्र निवेदन श्री. व्ही.ए. पोतदार यांनी केले तर आभार सौ संजीवनी कुराडे यांनी मानले.
या कार्यक्रमासाठी मुख्याध्यापक श्री अजित तोडकर, उपमुख्याध्यापक सौ एच एस कामत, पर्यवेक्षक श्री ए आर व्हसकोटी, सर्व शिक्षक,शिक्षकेतर कर्मचारी व सर्व विद्यार्थी उपस्थित होते.
