झारगडवाडी (ता. Baramati) येथे हिंदवी स्वराज्याचे संस्थापक छत्रपती शिवाजी महाराज यांची जयंती यंदा अत्यंत साध्या व शोकमय वातावरणात साजरी करण्यात आली. राज्याचे उपमुख्यमंत्री Ajit Pawar यांच्या निधनामुळे तसेच गावातील अर्जुन सावळा राऊत यांच्या आकस्मिक निधनामुळे गावावर दु:खाची छाया पसरली होती. त्या पार्श्वभूमीवर सर्व कार्यक्रम मर्यादित स्वरूपात घेण्याचा निर्णय ग्रामस्थांनी घेतला.
सकाळी शिवप्रतिमेला पुष्पहार अर्पण करून अभिवादन करण्यात आले. कोणतीही मिरवणूक, ढोल-ताशे किंवा सांस्कृतिक कार्यक्रम न ठेवता शांततेत जयंती साजरी करण्यात आली. उपस्थित ग्रामस्थांनी दोन मिनिटे मौन पाळून अजित पवार व अर्जुन सावळा राऊत यांना श्रद्धांजली अर्पण केली.
तसेच ग्रामपंचायत कार्यालयातही शिवाजी महाराजांच्या प्रतिमेचे पूजन करून जयंती साजरी करण्यात आली. ग्रामपंचायत सर्व पदाधिकारी, सामाजिक कार्यकर्ते, पदाधिकारी तसेच कर्मचारी ,समस्त ग्रामस्थ यांनी उपस्थित राहून अभिवादन केले. शोकमय वातावरणात साधेपणाने जयंती साजरी करून सामाजिक ऐक्याचा व संवेदनशीलतेचा संदेश देण्यात आला.
