नितेश गट्टीवार
चामोर्शी (गडचिरोली):दि.१९ सार्वजनिक शिव – भिम जयंती उत्सव समिती चामोर्शीच्या वतीने २१ फेब्रुवारी रोज शनिवार ला सायं ६.०० वाजता प्रबोधनात्मक सार्वजनिक जयंती महोत्सव बाजार चौक चामोर्शी येथे आयोजित करण्यात आले आहे.
संत तुकाराम महाराज , संत रोहिदास महाराज , संत सेवालाल महाराज , संत गाडगे बाबा व छत्रपती शिवाजी महाराज यांची संयुक्त जयंती महोत्सव कार्यक्रम घेण्यात येणार आहे.या कार्यक्रमाचे प्रमुख मार्गदर्शक म्हणुन उच्च न्यायालय संभाजीनगरच्या प्रसिद्ध विधिज्ञ ॲड. वैशाली डोळस , उद्घाटक म्हणून नगराध्यक्षा जयश्री वायलालवार , कार्यक्रमाचे अध्यक्षस्थानी वैद्यकिय अधिक्षक डॉ. प्रविण किलनाके राहतील तर विशेष अतिथी म्हणून चामोर्शी पो. स्टे. चे पोलीस निरीक्षक दीपक डोंब उपस्थित राहणार आहेत.
संयुक्त जयंती महोत्सवाचे मुख्य वैशिष्टय म्हणजे चामोर्शी नगर पंचायतसह ५५ इतक्या सामाजिक व जातीय संघटनांच्या वतीने मागील ११ वर्षापासुन हा जयंती महोत्सव विविध नामवंत वक्ते व किर्तनकार यांच्या प्रबोधनाने आयोजित करून नगरात सामाजिक सलोखा राखण्याचे अत्यंत महत्त्वाचे कार्य केले जात आहे.
या महोत्सवाला चामोर्शी नगरातील व परिसरातील सर्व जनतेने उपस्थित राहावे आवाहन ,सार्वजनिक शिव – भिम जयंती उत्सव समिती चामोर्शीच्या वतीने करण्यात आले आहे .
