वाळूज (जि. छत्रपती संभाजीनगर) येथील मनीषा नगरमध्ये हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त भव्य कार्यक्रमाचे आयोजन करण्यात आले.
या कार्यक्रमात सामाजिक क्षेत्रात सक्रिय व पत्रकार जाकीर अय्यूब शहा यांनी विशेष उपस्थिती लावून शिवरायांच्या प्रतिमेस पुष्पहार अर्पण केला तसेच त्यांच्या विचारांचा जागर केला.
यावेळी जिल्हा परिषद सदस्य तथा एसीपी श्री. बालाजी रघुनाथ सोनटक्के (माजी सहाय्यक पोलीस आयुक्त), वाळूज गावचे सरपंच संतोष भाऊ आरगडे तसेच सदस्य नंदू सोनवणे उपस्थित होते.
“जय भवानी, जय शिवाजी”च्या घोषणांनी परिसर दणाणून गेला. शिवरायांच्या पराक्रम, स्वराज्याची संकल्पना व राष्ट्रप्रेमाचा संदेश उपस्थितांपर्यंत पोहोचवण्यात आला.
वाळूज परिसरातील सामाजिक, धार्मिक व सार्वजनिक कार्यक्रमांमध्ये सातत्याने सहभाग घेऊन जनतेच्या प्रश्नांना वाचा फोडणारे पत्रकार जाकीर अय्यूब शहा यांची भूमिका यावेळी विशेष ठरली.
कार्यक्रम उत्साहपूर्ण वातावरणात संपन्न झाला. 🚩
