कोरेगाव-खटाव मतदारसंघाचे लोकप्रिय आमदार श्री. महेशदादा शिंदे यांच्या मार्गदर्शनाखाली डॉ. प्रियाताई शिंदे यांनी गेल्या अनेक वर्षांपासून सामाजिक आणि राजकीय क्षेत्रात आपले स्वतंत्र अस्तित्व निर्माण केले आहे. त्यांच्या याच निष्ठेची आणि कष्टाची दखल घेऊन पक्षाने त्यांच्यावर ही महत्त्वाची राज्यस्तरीय जबाबदारी सोपवली आहे.
डॉ. प्रियाताई शिंदे यांच्या निवडीमुळे सातारा जिल्ह्यासह संपूर्ण पश्चिम महाराष्ट्रात भारतीय जनता पार्टीला एक सुसंस्कृत आणि आक्रमक महिला नेतृत्व मिळाले आहे. या नियुक्तीचे वृत्त समजताच संपूर्ण कोरेगाव विधानसभा मतदारसंघात आनंदाचे वातावरण पसरले असून, ठिकठिकाणी फटाक्यांची आतषबाजी आणि पेढे वाटून कार्यकर्त्यांनी आपला उत्साह साजरा केला आहे. विशेषतः महिला सक्षमीकरण आणि आरोग्य क्षेत्रातील त्यांच्या कामाचा आवाका मोठा असल्याने, आगामी काळात पक्ष संघटनेला त्यांच्या अनुभवाचा मोठा फायदा होणार आहे.
आमदार श्री. महेशदादा शिंदे साहेब विचारमंच, कोरेगाव विधानसभा यांच्या वतीने या निवडीचे उत्स्फूर्त स्वागत करण्यात आले असून, सातारा जिल्ह्याचे भाजपमधील वजन या निवडीमुळे अधिकच वाढले आहे. डॉ. प्रियाताई शिंदे यांच्यावर होत असलेला अभिनंदनाचा वर्षाव हा त्यांच्या जनसंपर्काची आणि कार्याची पोचपावती मानली जात आहे.
