के. के. एम. महाविद्यालयात संत गाडगेबाबा महाराज जयंती उत्साहात साजरी

मानवत प्रतिनिधी :- रमेश मुलगीर

दिनांक 23 फेब्रुवारी 2026रोजी मानवत येथील के. के. एम. महाविद्यालयात महान समाजसुधारक संत गाडगेबाबा महाराज यांची जयंती उत्साहपूर्ण वातावरणात साजरी करण्यात आली.
या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. के
जी. हुगे, मूल्यशिक्षण शिक्षण समिती प्रमुख डॉ. पंडित लांडगे, डॉ. के. बी. पाटोळे,संयोजक प्रा. विनोद हिबारे,प्रा. रुपेश देशपांडे यांची प्रमुख उपस्थिती लाभली. महाविद्यालयातील बहुसंख्य शिक्षक, शिक्षकेतर कर्मचारी आणि विद्यार्थी मोठ्या संख्येने उपस्थित होते.

जयंतीनिमित्त आयोजित कार्यक्रमात प्रा. रुपेश देशपांडे यांनी संत गाडगेबाबा महाराज यांच्या जीवनकार्यावर प्रकाश टाकला. त्यांनी आपल्या भाषणात गाडगेबाबांनी समाजातील अंधश्रद्धा, अस्वच्छता आणि सामाजिक विषमता दूर करण्यासाठी केलेल्या कार्याची माहिती दिली. स्वच्छता, समाजसेवा आणि मानवतेचा संदेश आजच्या पिढीने आचरणात आणण्याची गरज त्यांनी अधोरेखित केली.

कार्यक्रमादरम्यान संत गाडगेबाबा महाराज यांच्या प्रतिमेला पुष्पहार अर्पण करून अभिवादन करण्यात आले. उपस्थितांनी त्यांच्या कार्याची प्रेरणा घेऊन समाजहितासाठी कार्य करण्याचा संकल्प व्यक्त केला.

कार्यक्रमाचे सूत्रसंचालन व आभार, प्रदर्शन प्रा विनोद हिबारे यांनी केले. संपूर्ण कार्यक्रम शिस्तबद्ध व प्रेरणादायी वातावरणात पार पडला. या कार्यक्रमामुळे विद्यार्थ्यांना संत गाडगेबाबा महाराज यांच्या सामाजिक कार्याची ओळख झाली आणि त्यांच्या विचारांचा प्रसार होण्यास मदत झाली.