पनवेल – प्रतिनिधी :- पनवेल तालुक्यातील तळोजा येथील घोट कॅम्प परिसरात अंमली पदार्थ जप्त करण्यात आले आहेत. मिलिंद भारंबे, पोलीस आयुक्त नवी मुंबई, श्री संजय येनपुरे, पोलीस सह आयुक्त दीपक साकोरे, अपर पोलीस आयुक्त (गुन्हे), सचिन गुंजाळ, पोलीस उप आयुक्त, (गुन्हे), यांनी नवी मुंबई पोलीस आयुक्तालयाचे परिसरात अंमली पदार्थ विषयी कारवाई करण्याचे आदेश दिले होते.
त्याअनुषंगाने अंमली पदार्थ विरोधी कक्षाचे वरिष्ठ पोलीस निरीक्षक संदीप निगडे यांचे पथकाला दिनांक २३/०२/२०२६ रोजी त्याचे गुप्त बातमीदारामार्फत “महावीर मॅजेस्टी, घोट कॅम्प, तळोजा येथे सुरींदर सिंग उर्फ काळु तसेच त्याचा भाऊ मनिंदर सिंग असे हेरॉईन या अंमली पदार्थाची विक्री करतात व त्यांचे राहते घरी त्यांनी अंमली पदार्थाचा साठा करून ठेवला आहे” अशी खात्रीलायक बातमी मिळाली होती.याबाबत खात्री करून कारवाई केली.
मिळालेल्या बातमीप्रमाणे पोलीस पथक व पंच असे खबरीतील ठिकाणी जावुन एनडीपीएस कायद्यात असलेल्या तरतुदींनुसार छापा कारवाई करून पंजाब येथुन आलेल्या दोन आरोपी १) सुरींदर गुरुजंत सिंग उर्फ काळु वय २४ वर्षे, २) मनिंदर गुरुजंत सिंग वय-२७ वर्षे, दोन्ही मुळ रा. निहालसिंगवाल, जि. मोगा, राज्य, पंजाबयांचे ताब्यातुन एकुण ११८ ग्रॅम वजनाचा हेरॉईन व १४३.६ ग्रॅम अफिम असा एकुण १,०२,१९,५००/- रूपये मुद्देमाल बेकायदेशिररित्या विक्री करीता स्वत: चे कब्जात बाळगले असताना मिळुन आले म्हणुन इसम नामे १) सुरींदर गुरूजंत सिंग उर्फ काळु, २) मनिंदर गुरुजंत सिंग व पाहीजे आरोपी ३) ट्रक ड्रायव्हर यांचेविरुध्द तळोजा पोलीस ठाणे गु. रजि. नंबर ७८/२०२६ एन.डी.पी.एस.कायदा १९८५ चे कलम ८ (सी), २१ (बी), १७, २९ अन्वये गुन्हा दाखल करण्यात आला असुन पुढील तपास तळोजा पोलीस ठाणे करत आहे.
सदरचे कारवाई मध्ये सहा. पोलीस आयुक्त धर्मपाल बनसोडे , AHTU, अति. कार्यभार, आर्थिक गुन्हे शाखा, यांचे मार्गदर्शनाखाली वरिष्ठ पोलीस निरीक्षक संदीप निगडे, सपोनि / तुषार माने, पोहवा / १३७७ तायडे, पोहवा / ४४६६ मेहेतर पोना / ४४६२, मपोना / २७९४ पाटील, पोशि/ ३१५८ पालवे, चालक पोशि/४७०८ भाबड हे सहभागी होते.
