स्पोर्ट्स इव्हेंट विजेत्यांचा सन्मान
बाभुळगाव प्र. : तालुक्यातील माऊली पब्लिक स्कूल येथे येथे दि. २३ रोजी वार्षिक स्नेहसंमेलन कोल्ही क्र 2 मधील शाळेमध्ये हा कार्यक्रम उत्साहात पार पडला.
या कार्यक्रमाच्या अध्यक्षस्थानी सचिन महल्ले होते तर प्रमुख पाहुणे म्हणून राजू पांडे दिलीप वाघमारे आनंद सोळंके नितीन महालगावे राजू सहारे प्रवीण ढगे सचिन बनकर सचिन परिमल संदीप पाळेकर राजू बावणे रितेश ठाकूर वैशाली बावणे प्रियंका मुडे होते. यांसह संस्थेचे अध्यक्ष शशिकांत मुडे आणि स्वप्निल मुडे यांची प्रमुख उपस्थिती लाभली.
कार्यक्रमाच मुख्य आकर्षण म्हणजे स्पोर्ट्स इव्हेंट या मधील विजेत्या विद्यार्थ्यांना बक्षीस वितरण करण्यात आले. विविध क्रीडा स्पर्धांमध्ये उत्कृष्ट कामगिरी करणाऱ्या मुलांना सन्मानित करण्यात आले. शाळेच्या सांस्कृतिक कार्यक्रम, खेळ, स्पर्धा आणि स्नेहसंमेलनाच्या माध्यमातून विद्यार्थ्यांनी आपले सुप्त गुण दाखवले आणि अशा कार्यक्रमाच्या माध्यमातून पालक-शिक्षक-विद्यार्थी यांच्यातील बंध अधिक दृढ होते असे मत कार्यक्रमाचे अध्यक्ष सचिन महल्ले यांनी यावेळी व्यक्त केले.
या स्नेहसंमेलनात पालकांची मोठ्या संख्येने उपस्थिती होती. पालकांनी शाळेच्या उत्कृष्ट शिक्षक संच, सकारात्मक आणि प्रेरणादायी वातावरण तसेच मुलांच्या सर्वांगीण प्रगतीचे कौतुक केले. कार्यक्रमादरम्यान अनेक पालकांनी वर्ग वाढीची मागणी सुद्धा यावेळी केली.
