कुरुंदवाड नगरपरिषदेची सर्वसाधारण सभेत विषय पत्रिकेवरील 13 विषयांना एकमतांनी मंजूर…
प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड :- येथील नगरपालिकेच्या सर्वसाधारण सभेत विषय पत्रिकेवरील 13 विषयांना एकमतांनी मंजूर देण्यात आली.
येथील नगरपालिकेची सर्वसाधारण सभा बुधवार दि. 25 फेब्रुवारी रोजी सकाळी ठीक 11.30 वाजता नगरपालिकेच्या छत्रपती शिवाजी महाराज सभागृहात घेण्यात आली. सभेच्या अध्यक्षस्थानी नगराध्यक्षा सौ.मनीषा उदय डांगे होत्या.
विषय पत्रिकेवर मागील सभेचे कार्यवृत्त इतिवृत्त वाचून कायम करणे. सन 2025-2026 या आर्थिक वर्षाकरिता महिला व बालकल्याण विभागांतर्गत विविध कार्यकम राबविणे करिता विचारविनिमय करून निर्णय घेणे, कुरुंदवाड नगरपरिषद हद्दीतील ऍनिमल वेलफेअर बोर्डाच्या नियमावलीप्रमाणे मोकाट व भटकी कुत्री पकडून त्यांचे निर्बीजीकरण करणेकामी निविदा प्रक्रिया राबविणे. नगरपरिषदांना वैशिष्ट्यपूर्ण कामांसाठी विशेष योजनेअंतर्गत कुरुंदवाड शहरातील विविध रस्ते, गटारी करणेसाठी निर्णय घेणे,
हिंदू हृदयसम्राट बाळासाहेब ठाकरे नागरी लोककल्याण अभियान अंतर्गत निधीतून कुरुंदवाड शहरातील करावयाचे कामांबाबत निर्णय घेणे. महाराष्ट्र सुवर्ण जयंती नगोरात्थान महाभियान (राज्य स्तर) अंतर्गत कुरुंदवाड सुधारित पाणी पुरवठा योजना टप्पा क्र. 3 बाबत चर्चा करून निर्णय घेणे. पाणीपुरवठा विभागाकडील मीटर नळ धारकांची बिले सहामाही करणे बाबत निर्णय घेणे. नगरपरिपद मालकीचे LED स्किन भाडेतत्त्वावर देणेबाबत चर्चा करुन निर्णय घेणे.
नगरपालिकेच्या मालकीचा ट्रॅक्टर वाहन क्रमांक एमएच – 09-97033 चा वापर बंद करणे, नगरपालिका मालकीच्या सर्व वाहनाकरिता टायर ट्यूब पुरविणे, विद्युत विभाग करता बकेट लिफ्ट वाहन खरेदी करणे.
नगरपालिकेचे विविध कोर्टात चालवणारे खटले व कायदेशीर कामाकरिता विधी तज्ञाची नेमणूक करणे, व आयत्या वेळच्या विषयावर चर्चा करणे अशा 13 विषयांना पालिका सभागृहाच्या सभेत एकमताने मंजुरी देण्यात आली.
सभेला मुख्याधिकारी मनोजकुमार देसाई, उपनगराध्यक्ष दीपक गायकवाड, पक्ष प्रतोद जवाहर पाटील, रमेश भुजुगडे, जय कडाळे, अक्षय आलासे, वैभव उगळे, तानाजी आलासे, दीपक परीट, विशाल पाटील, प्रदीप चव्हाण, संगीता कर्नाळे, अलका पाटील, अलका मधाळे, सुनंदा आलासे,श्रीमती विमल पोमाजे, आऐशा बागवान, रुक्साना बागवान, जुवेरिया गोलंदाज, जयश्री पाटील, सुजाता जाधव,इत्यादी उपस्थित होते.
