🟠 मराठी भाषा ही सर्वश्रेष्ठ असून जगभरात प्रथम क्रमांकावर राहिली पाहिजे – सह कार्यवाह श्री. रविंद्र हुक्केरी..

आजरा : प्रतिनिधी,
मराठी भाषा ही केवळ संवादाचे साधन नसून ती आपली संस्कृती, परंपरा आणि अस्मिता जपणारी भाषा आहे. मराठी भाषा ही सर्वश्रेष्ठ असून जगभरात प्रथम क्रमांकावर राहिली पाहिजे, असे स्पष्ट प्रतिपादन सह कार्यवाह रविंद्र हुक्केरी यांनी केले.

मराठी भाषा दिनानिमित्त आजरा येथील श्रीमंत गंगामाई वाचन मंदिर येथे आयोजित कार्यक्रमात ते प्रमुख वक्ते म्हणून बोलत होते. आपल्या भाषणात त्यांनी मराठी भाषेची समृद्ध साहित्यिक परंपरा, ऐतिहासिक महत्त्व आणि आधुनिक युगातील उपयुक्तता यावर सखोल मार्गदर्शन केले. विद्यार्थ्यांनी मातृभाषेचा अभिमान बाळगून मराठीतूनच विचार, वाचन व लेखनाची सवय जोपासावी, असे आवाहन त्यांनी केले.
या कार्यक्रमास उपस्थित सर्व मान्यवर, विद्यार्थी, तसेच सर्व कर्मचारीवृंद मोठ्या संख्येने उपस्थित होते. मराठी भाषेच्या गौरवासाठी आयोजित हा कार्यक्रम उत्साहात व प्रेरणादायी वातावरणात संपन्न झाला.