💥 कजगाव येथे ‘होळी दहन’ उत्साहात; बाल मुलांच्या हस्ते पार पडला पारंपरिक सोहळा

कजगाव (प्रणव शिंदे, जिल्हा प्रतिनिधी): गावातील भास्कर नगर परिसरात पारंपरिक पद्धतीने होळी दहनाचा उत्सव मोठ्या उत्साहात आणि भक्तीभावाने साजरा करण्यात आला. विशेष म्हणजे यावर्षी होळी दहनाचा मान गावातील लहान मुलांना देण्यात आला. बाल मुलांच्या हस्ते विधिवत पूजा करून होळी प्रज्वलित करण्यात आली. उपस्थित ग्रामस्थांनी टाळ्यांच्या कडकडाटात मुलांचे कौतुक केले. या सोहळ्याप्रसंगी कजगाव मधील प्रतिष्ठित नागरिक, तरुण आणि महिला मंडळ मोठ्या संख्येने उपस्थित होते. यात प्रामुख्याने उपस्थित मान्यवर: दिनेश पाटील, अण्णा शिंदे, बाबाजी पाटील, उमेश अमृतकर. प्रणव शिंदे, सुनील जगताप, राहुल राजेंद्र पाटील, अक्षय पाटील, आकाश महाजन. बबलू तेलर, रहिमान शहा, चिराग महाजन, गौरव मिस्तरी, आर्यन सोनवणे. कृष्णा बोबडे, महेंद्र तांबे, कृष्णा मिस्तरी, रविंद्र भोई, ओम शिंदे तसेच इतर ग्रामस्थ उपस्थित होते. होळी दहनानंतर सर्वांनी एकमेकांना शुभेच्छा देत समाजातील वाईट प्रवृत्तींचा त्याग करून ऐक्य, बंधुभाव आणि सद्भावना जपण्याचा संकल्प केला. ग्रामस्थांच्या एकोप्यामुळे कार्यक्रम शांततेत आणि आनंदात पार पडला. पर्यावरणपूरक पद्धतीने होळी साजरी करण्याचा संदेशही यावेळी देण्यात आला.