अंदरसूल ता येवला येथील मातोश्री शांताबाई गोविंदराव सोनवणे इंग्लिश मीडियम स्कूल मध्ये ‘जागतिक महिला दिन’ मोठ्या उत्साहात साजरा करण्यात आला. या कार्यक्रमाद्वारे स्त्री शक्तीचा जागर करत महिलांच्या समाजातील योगदानावर प्रकाश टाकण्यात आला.
कार्यक्रमासाठी प्रमुख अतिथी म्हणून अंदरसूल येथील भागवत हॉस्पिटलच्या संचालिका डॉ. शीतल तुषार भागवत आणि डॉ.विनिता महेंद्र जैन या होत्या. कार्यक्रमाचे अध्यक्षस्थान अंदरसूल ग्रामपालिकेच्या माजी सरपंच तथा विद्यमान सदस्या सौ. विनीता अमोल सोनवणे यांनी भूषवले.
कार्यक्रमाची सुरुवात राजमाता जिजाऊ, क्रांतीज्योती सावित्रीबाई फुले, झाशीची राणी लक्ष्मीबाई, मातोश्री शांताबाई सोनवणे यांच्या प्रतिमेला व सहकार महर्षी स्व. गोविंदराव (नाना) सोनवणे यांच्या पुतळ्याला पुष्पमाला अर्पण करून करण्यात आली.
कार्यक्रमाचे प्रास्ताविक शिक्षिका प्रिया भागवत यांनी केले. त्यांनी महिला दिनाचे औचित्य आणि आजच्या काळातील त्याचे महत्त्व विषद केले. यानंतर स्कूलच्या वतीने पाहुण्यांचा सत्कार करण्यात आला.शिक्षिका निलीमा देशमुख, अर्चना एंडाईत आणि सुनिता वडे यांनीही स्त्रियांच्या सक्षमीकरणावर आपले विचार मांडले. डॉ.शितल भागवत व डॉ.विनिता जैन यांनी महिलांच्या प्रगतीसाठी शिक्षणाचे महत्त्व अधोरेखित केले. अध्यक्षीय भाषणात सौ. विनिता सोनवणे यांनी महिलां सक्षमीकरण यावर भाष्य केले.
या कार्यक्रमाला अर्चना सोनवणे, प्रिन्सिपल अल्ताफ खान, शिक्षक अमोल आहेर, अजहर खतीब, गणेश सोनवणे, अजीम पटेल, सचिन घोडके, शर्मिला पवार, शोभा निकम, श्रावणी खेरुड सह सर्व शिक्षक, शिक्षिका, शिक्षकेत्तर कर्मचारी आणि विद्यार्थी मोठ्या संख्येने उपस्थित होते.
कार्यक्रमाचे नेटके सूत्रसंचालन माधुरी माळी यांनी केले, तर उपस्थितांचे आभार योगिता घोंगाणे यांनी मानले.
