📰 छत्रपती संभाजी महाराज बलिदान दिन भक्तिमय वातावरणात साजरा

कजगाव (जिल्हा प्रतिनिधी- प्रणव शिंदे ):
भास्कर नगर, कजगाव येथील छत्रपती शिवाजी महाराज स्मारक ओट्यावर छत्रपती संभाजी महाराज यांचा बलिदान दिन श्रद्धापूर्वक साजरा करण्यात आला. यावेळी संभाजी महाराजांच्या प्रतिमेचे पूजन करून अभिवादन करण्यात आले. कार्यक्रमात संभाजी महाराजांवर आधारित श्लोक व प्रभावी भाषणे सादर करण्यात आली. या प्रसंगी दिनेश टेलर, रघु पवार, रविंद्र साठे, बाबाजी पाटील, ज्ञानेश्वर बोबडे, अण्णा शिंदे व पप्पू बोरसे यांच्या हस्ते संभाजी महाराजांच्या प्रतिमेचे पूजन करण्यात आले. तसेच धनंजय सोनवणे व प्रणव शिंदे यांनी आपल्या मनोगतातून छत्रपती संभाजी महाराजांच्या शौर्य व बलिदानाचा गौरव केला. या कार्यक्रमाला स्वप्निल सोनार, अनिल जगताप, कल्पेश पाटील, ज्ञानू भोई, धाकल्या भाऊ, दुर्गेश पाटील, दुर्गेश पवार, जयदीप साठे, कैलास महाजन, उमेश अमृतकर, चिराग महाजन, गौरव मिस्तरी, भावेश जगताप, गौरव भोई, कृष्णा भोई, यश पाटील, सोहम जगताप, कृष्णा बोबडे, ओम शिंदे आदी उपस्थित होते. कार्यक्रमाचे छायाचित्रण करण जगताप यांनी केले.