निःशंक होई रे मना निर्भय होई रे मना प्रचंड स्वामी पळपाठीशी नित्य आहे रे मना.. ये उद्गार कानावर पडल्यावर आपोआप श्री स्वामी समर्थ महाराजांची आत्मविश्वास निर्माण करणारी मूर्ती आपल्या नजरेसमोर उभी राहते. उद्या स्वामी समर्थ महाराज प्रकट दिन. चैत्र महिन्यातील शुक्ल पक्षातील द्वितीया तिथीला प्रथेप्रमाणे अनंतकोटी ब्रह्मांडनायक अक्कलकोट निवासी श्री स्वामी समर्थ महाराज यांचा प्रकट दिवस महाराष्ट्रासह देश विदेशामध्ये मोठ्या उत्साहात साजरा होत असतो. उद्या दि २० मार्च रोजी श्री स्वामींचा १७० वा प्रकट दिन सालाबाद प्रमाणे मोठ्या उत्साहात साजरा होत आहे. मिरज मधील प्रभाग तीन मध्ये असणाऱ्या महापालिकेच्या भूखंडावर गेल्या २० वर्षांपूर्वी श्री स्वामी भक्तांनी भक्तिभावातून या एक भव्य मंदिर उभारण्याचा निर्णय घेतला आणि तो बघता बघता पूर्णत्वास आला. आज या मंदिरामध्ये दैनंदिन श्री स्वामींची नित्य काकड आरती सह विविध धार्मिक कार्यक्रमांचे आयोजन होत असते. उद्या दि २० रोजी महाराजांचा प्रकट दिवस सालाबाद प्रमाणे साजरा होत आहे यासंदर्भात या मंदिरातील जेष्ठ सेवेकरी तथा पुजारी आणि मार्गदर्शक स्वामी भक्त रवींद्र कबाडे यांच्याशी आमच्या प्रतिनिधींनी संपर्क साधला असता ते म्हणाले,’उद्या होणाऱ्या श्री स्वामी समर्थ महाराजांच्या १७० व्या प्रकटदिनाच्या सोहळ्यासाठी हजारो भाविक येण्याची शक्यता गृहीत धरून आम्ही योग्य पद्धतीने सर्व भक्तमंडळी नियोजन करत आहोत. उद्या सकाळी नित्यनियमाने ९.१५ मिनिटांनी श्रींची आरती होईल यावेळी सांगली गणपती संस्थानचे युवराज आदित्यराजे विजयसिंह पटवर्धन हे यंदा या आरतीला उपस्थित राहणार आहेत. गेल्या काही दिवसांपूर्वी या मंदिराला श्री गणपती पंचायतन संस्थानचे मुख्य व्यवस्थापक जयदीप अभ्यंकर यांनी त्यांच्या सहकार्यांसह हजेरी लावून श्रींचे दर्शन घेतले होते त्यावेळी उद्या होणाऱ्या प्रकट दिनी युवराजांसह आम्ही सर्व मिळून येऊ असे आश्वासन दिले होते त्याप्रमाणे ते उद्या येतील त्याच प्रमाणे सालाबाद प्रमाणे श्रींचा पालखी सोहळा सवाद्य ठरलेल्या वेळेनुसार सुरु होईल आणि साधारण दुपारी १२ च्या दरम्यान मंदिरामध्ये संपन्न होईल. त्यानंतर महाप्रसादाचे आयोजन केले आहे. महाप्रसादानंतर भजन कीर्तन अशी धार्मिक आणि सात्विक स्वरूपाचे कार्यक्रम मंदिरातील भक्तमंडळींकडून आयोजित केली जातील आणि सायंकाळी आरतीने प्रकटदिनाचा समारोप होईल. मिरज तालुक्यामध्ये हे मंदिर एकमेव असल्याने रोज या मंदिरामध्ये शेकडो भाविकांची गर्दी आपल्याला पाहायला मिळेल. हे मंदिर महापालिकेच्या जागेवर असल्याने प्रशासनाने आम्हाला वेळोवेळी योग्य सहकार्य केले आहे. तसेच येथील स्थानिक नगरसेवक आणि लोकप्रतिनिधी सुद्धा या मंदिराची देखभाल वेळोवेळी केली असल्याचे त्यांनी यावेळी सांगितले.
