प्रतिनिधी :-
हातेड बु. : आदर्श गाव म्हणून ओळख असलेल्या हातेड बु. येथे अनेक वर्षांपासून चालत आलेली श्री रामलीला उत्सवाची परंपरा यंदाही मोठ्या उत्साहात आणि भक्तिभावाने साजरी करण्यात येणार आहे.
गावातील नागरिकांच्या सहकार्याने आयोजित या उत्सवात भगवान श्रीरामांच्या जीवनावर आधारित विविध धार्मिक व सांस्कृतिक कार्यक्रम सादर केले जाणार आहेत. दरवर्षीप्रमाणे यंदाही हा उत्सव श्रद्धा, भक्ती आणि संस्कृतीचा संगम ठरणार आहे.
हा भव्य उत्सव दिनांक २६ मार्च २०२६ ते ३० मार्च २०२६ या कालावधीत पार पडणार असून, परिसरातील भाविकांनी मोठ्या संख्येने उपस्थित राहून उत्सवाची शोभा वाढवावी, असे आवाहन आयोजकांकडून करण्यात आले आहे.
गावात उत्सवाच्या पार्श्वभूमीवर उत्साहाचे वातावरण असून, विविध कार्यक्रमांची जय्यत तयारी सुरू आहे.
