दोंडाईचा प्रतिनिधी 🖊️
शिंदखेडा तालुक्यातील वणी येथील दोन गरजू कुटुंबांच्या रेशन कार्डातील तांत्रिक त्रुटीमुळे त्यांना धान्यापासून वंचित राहावे लागत असल्याची गंभीर बाब समोर आली आहे. या पार्श्वभूमीवर आदिवासी टायगर सेना, दोंडाईचा यांच्या वतीने तहसीलदारांना निवेदन देण्यात आले.
निवेदनात नमूद केल्याप्रमाणे, संबंधित दोन्ही कुटुंबे वणी (ता. शिंदखेडा) येथील रहिवासी असून त्यांचे आधार कार्ड, रहिवासी दाखले आदी सर्व कागदपत्रे वणी गावाचीच आहेत. ही कुटुंबे मोलमजुरी करून आपला उदरनिर्वाह करतात. मात्र, तांत्रिक त्रुटीमुळे त्यांच्या रेशन कार्डाची नोंद ऑनलाईन पोर्टलवर नाशिक जिल्ह्यात दाखवली जात आहे.
या त्रुटीमुळे या कुटुंबांना वणी येथील रास्त भाव दुकानातून नियमित धान्य मिळत नसून, त्यांच्या समोर उपासमारीची वेळ येण्याची शक्यता निर्माण झाली आहे.
याबाबत प्रशासनाने तात्काळ दखल घेऊन संबंधित कुटुंबांचे रेशन कार्ड नाशिक येथून वजा करून शिंदखेडा तालुक्यातील वणी गावाच्या नोंदीत वर्ग करावे, अशी मागणी निवेदनाद्वारे करण्यात आली आहे. त्यामुळे या कुटुंबांना त्यांचा हक्काचा धान्यपुरवठा सुरळीत सुरू होऊ शकणार आहे.
या वेळी आदिवासी टायगर सेना, दोंडाईचा शहर अध्यक्ष कृष्णा मालचे, उपाध्यक्ष विशाल सोनवणे, अजय बागुल, सचिव सागर मालचे तसेच विजय ठाकरे, रोहित सोनवणे, करण तिसे, अजय शिंदे, प्रकाश चित्ते, पंकज ठाकरे, खंडू धनगरी, गणेश ठाकरे, विकास ठाकरे, रविन सोनवणे, आनंद मालचे, सोमनाथ सोनवणे, सागर तिसे, गणेश मालचे, विजय शिंदे आदी कार्यकर्ते उपस्थित होते.
