देवळी (वर्धा) प्रतिनिधी 🖊️
देवळी तालुक्यातील तांभा (येंडे) येथील पवित्र श्री तीर्थक्षेत्र रामेश्वर देवस्थान येथे दरवर्षीप्रमाणे यंदाही श्री राम कथा ज्ञानयज्ञ व अखंड हरिनाम सप्ताहाचे आयोजन करण्यात आले आहे. श्री रामेश्वराच्या कृपेने तसेच संत परंपरेने पावन झालेल्या या भूमीत रामनवमीच्या पर्वावर हा धार्मिक सोहळा भक्तिभावाने साजरा केला जाणार आहे.
या सोहळ्यात विविध कीर्तनकार, गायक व वादक सहभागी होणार असून, ह.भ.प. अविनाश महाराज देशमुख (अर्गण गायक), ह.भ.प. गौरव महाराज ढोक (पॅडवादक), ह.भ.प. कृष्णा महाराज तेलंगे (तबलवादक), ह.भ.प. प्रवीण महाराज सातपुते, ह.भ.प. माऊली महाराज, ह.भ.प. तेजस महाराज उईके, वेदांन महाराज येंडे (मृदुंग वादक), तसेच ह.भ.प. गोरखेडे महाराज, पंधरे महाराज व इतर भक्त सहभागी होणार आहेत.
दैनंदिन कार्यक्रम:
- पहाटे ५:०० – काकड आरती
- सकाळी ६:०० – रामधून
- सायं ७:०० – हरिपाठ व त्यानंतर भोजन
विशेष कार्यक्रम:
- दि. २६ मार्च २०२६ (गुरुवार): सायं ५:०० वाजता भव्य पालखी मिरवणूक
- दि. २७ मार्च २०२६ (शुक्रवार): दुपारी १२:०० वाजता ह.भ.प. नागेश महाराज देशमुख यांचे काल्याचे कीर्तन व त्यानंतर महाप्रसाद
या धार्मिक कार्यक्रमाला परिसरातील भाविकांनी मोठ्या संख्येने उपस्थित राहून लाभ घ्यावा, असे आवाहन आयोजकांकडून करण्यात आले आहे.
