पाचचिंचोली (ता. २४, प्रतिनिधी): येथील विविध कार्यकारी सहकारी सोसायटीच्या चेअरमन पदाच्या निवडणुकीत कैलास रावसाहेब पाटील यांची बिनविरोध निवड झाली. तर व्हाईस चेअरमनपदी गोवर्धन हणमंत जाधव यांचीही बिनविरोध निवड करण्यात आली.
ही निवडणूक सहाय्यक निबंधक निलंगा एन. एस. किलचे यांच्या मार्गदर्शनाखाली तसेच गट सचिव मुंडे यांच्या उपस्थितीत पार पडली. निवड जाहीर होताच उपस्थितांनी नवनिर्वाचित पदाधिकाऱ्यांचे अभिनंदन केले.
या प्रसंगी संचालक मंडळासह गावातील शेतकरी मोठ्या संख्येने उपस्थित होते. यामध्ये माजी सरपंच श्रीकांत साळुंके, लोकमान्य शिक्षण संस्थेचे अध्यक्ष विक्रम पाटील, उपसरपंच बाब्रुवान जाधव, नागु तात्या जाधव, तंटामुक्त समितीचे अध्यक्ष रामभाऊ पाटील, शिवाजी जाधव, मधुकर दिवे, भगवान पाटील, भगवान भागे, बालाजी काळे, युसुफ शेख, शुभम जाधव आदींचा समावेश होता.
दरम्यान, या निवडीबाबत अभय साळुंखे (लातूर जिल्हा काँग्रेस अध्यक्ष) यांनी प्रतिक्रिया देताना सांगितले की, “कैलास पाटील यांच्या रूपाने तडफदार युवकाला संधी मिळाली आहे. येत्या काळात चेअरमन व व्हाईस चेअरमन यांनी शेतकरी हिताचे अभिनव उपक्रम राबवून सभासदांना सक्षम करावे. जिल्हा बँकेकडून आवश्यक सहकार्य केले जाईल.”
