पाथरी (प्रतिनिधी) : इंग्रजी विषयातील गुणवत्ता, सादरीकरण कौशल्य आणि आत्मविश्वास वाढविणाऱ्या तालुकास्तरीय ‘वर्ड चॅम्पियन्स’ स्पर्धा दि. २३ मार्च २०२६ रोजी जि.प. प्राथमिक शाळा माळीवाडा येथे उत्साहात पार पडल्या. या स्पर्धेत तालुक्यातील विविध केंद्रांतील विद्यार्थ्यांनी सहभाग घेत आपली कौशल्ये सादर केली.
स्पर्धेचे उद्घाटन गटशिक्षणाधिकारी मुकेश राठोड यांच्या प्रमुख उपस्थितीत झाले. यावेळी केंद्रप्रमुख वाल्मीक सानप उपस्थित होते. परीक्षणाची जबाबदारी रमेश गरड, श्रीमती कावरे, श्रीमती सुरशेटवार, श्री भुते, श्री नायबळ, श्रीमती खरवडे व श्री मामीलवाड यांनी पार पाडली.
कार्यक्रमाचे आयोजन जि.प. प्राथमिक शाळा माळीवाडा येथील मुख्याध्यापक व शिक्षकवर्गाने शिस्तबद्ध व नियोजनबद्ध पद्धतीने केले, अशी प्रतिक्रिया उपस्थितांकडून व्यक्त करण्यात आली.
📦 विशेष : रेणाखळीचा मानाचा तुरा
शब्दप्रभाव गट (इयत्ता ९ वी व १० वी) मध्ये पी.एम. श्री जि.प. प्राथमिक व माध्यमिक शाळा रेणाखळी येथील
👉 फैजान मोबीन शेख
👉 पूनम उद्धव इंगळे
या विद्यार्थ्यांनी प्रभावी सादरीकरण करत तालुक्यात प्रथम क्रमांक पटकावला. त्यांच्या उत्कृष्ट इंग्रजी उच्चार, आत्मविश्वासपूर्ण मांडणी व सादरीकरणामुळे परीक्षकही प्रभावित झाले. या यशामुळे रेणाखळी परिसरात आनंदाचे वातावरण निर्माण झाले आहे.
स्पर्धेचा गटानुसार निकाल :
🔹 अंकुर गट :
प्रथम – शाखा पाथरी (अर्णव जुकटे, आदित्य गायकवाड)
द्वितीय – उमरा (विशाल कोल्हे, वैभव शेळके)
तृतीय – खेडुळा (आरती डुकरे, पुनम डुकरे)
🔹 शब्दविकास गट :
प्रथम – माळीवाडा (संध्या नाईक, पार्थ बिराजदार)
द्वितीय – डोंगरगाव (धनंजय काळे, प्रतीक्षा काळे)
तृतीय – हादगाव (शिवानी काकडे, आराध्या शेजुळ)
🔹 शब्दप्रभाव गट :
प्रथम – रेणाखळी (फैजान शेख, पूनम इंगळे)
द्वितीय – झरी (ईश्वरी सत्वधर, अनुष्का सत्वधर)
तृतीय – वाघाळा (पूनम शेळके, धनश्री नागरगोजे)
स्पर्धेतील सर्व विजेत्या संघांची अंतिम जिल्हास्तरीय स्पर्धा परभणी येथे होणार असून तेथेही दमदार कामगिरीची अपेक्षा व्यक्त होत आहे.
गटशिक्षणाधिकारी मुकेश राठोड यांच्या मार्गदर्शनाखाली व माळीवाडा शाळेच्या उत्कृष्ट नियोजनामुळे स्पर्धेला उच्च दर्जा प्राप्त झाला असून रेणाखळीच्या विद्यार्थ्यांनी मिळवलेले यश तालुक्यासाठी प्रेरणादायी ठरत आहे.
