नरसाळा येथे क्रांतिवीर बापूराव शेडमाके जयंती उत्साहात साजरी

मारेगाव (प्रतिनिधी) : मारेगाव तालुक्यातील नरसाळा येथे क्रांतिवीर बापूराव शेडमाके यांची जयंती उत्साहात साजरी करण्यात आली.

यावेळी पारंपरिक ढोल-ताशांच्या गजरात तसेच डीजेच्या तालावर महिला, युवक व लहान मुलांनी नृत्य सादर करत कार्यक्रमाला रंगत आणली. संपूर्ण गावात उत्साहाचे वातावरण पाहायला मिळाले.

हा कार्यक्रम आदिवासी जनजागृती युवा संघटना नरसाळा तसेच विरांगणा राणी दुर्गावती महिला संघटना नरसाळा यांच्या संयुक्त विद्यमाने आयोजित करण्यात आला होता.

कार्यक्रम यशस्वी पार पाडण्यासाठी मारेगाव पोलीस प्रशासनानेही सहकार्य केले. आयोजकांनी सर्व उपस्थितांचे आभार मानत सामाजिक एकात्मता व जनजागृतीचा संदेश दिला.