कणकवली प्रतिनिधी:
सिंधुदुर्ग जिल्ह्यात ताज समूहाच्या माध्यमातून पहिले ५ स्टार हॉटेल उभारण्याच्या प्रकल्पासंदर्भात आज मंत्रालयात आढावा बैठक पार पडली. दिनांक २३ डिसेंबर २०२५ रोजी मा. पर्यटनमंत्री यांच्या अध्यक्षतेखाली ‘दि इंडियन हॉटेल्स लिमिटेड’ कंपनीचे प्रतिनिधी व ग्रामस्थांसोबत झालेल्या बैठकीत देण्यात आलेल्या निर्देशांच्या अंमलबजावणीसंदर्भात यावेळी सविस्तर आढावा घेण्यात आला.
जिल्ह्याच्या पर्यटन विकासाच्या दृष्टीने हा प्रकल्प अत्यंत महत्त्वाचा असल्याने सर्व संबंधित घटकांना समन्वय साधून प्रकल्प पूर्ण करण्यावर भर देण्याचे निर्देश दिले. तसेच अंतिम मसुदा लवकरात लवकर तयार करून प्रकल्पाला गती देण्याच्या सूचना संबंधितांना दिल्या.
या बैठकीस उपस्थित होते:
- सिंधुदुर्ग जिल्हाधिकारी तृप्ती धोडमिसे (ऑनलाइन)
- ‘दि इंडियन हॉटेल्स लिमिटेड’ चे प्रतिनिधी श्री. बिजल देसाई, श्रीमती. सिंथिया नोरोन्हा
- सिंधुदुर्ग जिल्हा बँक अध्यक्ष मनीष दळवी
- सिंधुदुर्ग जिल्हा परिषदेचे माजी अध्यक्ष सतीश सावंत
या बैठकीत पर्यटन क्षेत्रातील प्रकल्पाच्या वेगवान अंमलबजावणीसाठी ठोस मार्गदर्शन करण्यात आले असून, पुढील कार्यवाही लवकरात लवकर सुरू करण्याचे आदेश देण्यात आले.
