काळी दौ प्रतिनिधी:: काळी दौलत परिसरात पेट्रोल व डिझेल मिळत नसल्याची अफवा पसरल्याने स्थानिक पेट्रोल पंपांवर नागरिकांची मोठ्या प्रमाणात गर्दी उसळली. या अचानक वाढलेल्या गर्दीमुळे काही काळ गोंधळाचे वातावरण निर्माण झाले.
दरम्यान, प्रशासनाकडून नागरिकांना आवाहन करण्यात आले आहे की, सध्या शासनाकडून किंवा तेल कंपन्यांकडून इंधन तुटवडा अथवा पुरवठा खंडित होण्याबाबत कोणतीही अधिकृत माहिती प्राप्त झालेली नाही. त्यामुळे नागरिकांनी कोणत्याही अफवांवर विश्वास ठेवू नये.
महागावचे तहसीलदार अभय मस्के यांनी स्पष्ट केले की, विनाकारण पेट्रोल पंपावर गर्दी केल्यास कायदा व सुव्यवस्थेचा प्रश्न निर्माण होऊ शकतो. त्यामुळे सर्वांनी संयम राखून जबाबदार नागरिक म्हणून सहकार्य करावे, असे त्यांनी आवाहन केले.
प्रशासनाने नागरिकांना अफवांपासून दूर राहून शांतता राखण्याचे आवाहन केले असून, आवश्यकतेनुसारच इंधन भरण्यासाठी येण्याचे सांगितले आहे.
