सावदा : सावदा परिसरातील रेल्वे लेव्हल क्रॉसिंग गेट क्रमांक १६२ (किमी ४५९/१०-१२) हे २८ मार्च २०२६ पासून कायमस्वरूपी बंद करण्यात आले आहे.
वरिष्ठ अधिकाऱ्यांच्या आदेशानुसार हा निर्णय घेण्यात आला असून, किमी ४५९/०-२ येथे उभारण्यात आलेल्या ओव्हरहेड ब्रिजमुळे सर्व वाहतूक आता पुलावरूनच सुरू आहे. त्यामुळे संबंधित लेव्हल क्रॉसिंग गेटची आवश्यकता संपुष्टात आल्याने ते कायमस्वरूपी बंद करण्यात आले आहे.
या निर्णयामुळे नागरिकांनी रेल्वे रुळ ओलांडण्यासाठी ओव्हरहेड ब्रिजचाच वापर करावा, असे आवाहन प्रशासनाकडून करण्यात आले आहे.
सुरक्षिततेच्या दृष्टीने हा निर्णय महत्त्वाचा मानला जात असून, नागरिकांनी सहकार्य करण्याचे आवाहन करण्यात आले आहे.
