माळशिरस (प्रतिनिधी) : शिव महादेव यात्रेनिमित्त शिखर शिंगणापूर येथे येणाऱ्या भाविक भक्तांसाठी आवश्यक सुविधा उपलब्ध करून देण्यासाठी प्रशासनाने नियोजनाला वेग दिला आहे. या पार्श्वभूमीवर कोथळे, कारुंडे, पिंपरी व मुंगीघाट परिसरात पाहणी दौरा आयोजित करण्यात आला.
यावेळी यात्रेदरम्यान भाविकांना कोणतीही अडचण येऊ नये यासाठी आरोग्य सेवा, पिण्याच्या पाण्याची व्यवस्था, स्वच्छता आदी सुविधांची प्रत्यक्ष पाहणी करण्यात आली. संबंधित अधिकाऱ्यांना आवश्यक त्या सूचना देण्यात आल्या.
या पाहणी दौऱ्यात गटविकास अधिकारी, पाणीपुरवठा विभागाचे अधिकारी, आरोग्य सेवा विभागाचे अधिकारी व कर्मचारी उपस्थित होते. तसेच माळशिरस पंचायत समितीचे सभापती Datta Bhaiyya Magar आणि शिवसेना तालुकाध्यक्ष Satish Sapkal यांनीही उपस्थित राहून नियोजनाचा आढावा घेतला.
यात्रेसाठी मोठ्या संख्येने भाविक येणार असल्याने प्रशासनाकडून सर्व सुविधा सुरळीत ठेवण्यासाठी विशेष दक्षता घेतली जात असल्याचे यावेळी सांगण्यात आले.
