शहादा : महिला मंडळ संस्थेच्या व्हॉलंटरी प्राथमिक, माध्यमिक व उच्च माध्यमिक शाळेचा वार्षिक पारितोषिक वितरण समारंभ शनिवारी उत्साहात पार पडला. या समारंभात विविध शैक्षणिक व क्रीडा स्पर्धांमध्ये यश मिळविणाऱ्या विद्यार्थ्यांना मान्यवरांच्या हस्ते सन्मानित करण्यात आले.
कार्यक्रमाची सुरुवात सरस्वती पूजन व दीपप्रज्वलनाने झाली. कार्यक्रमाच्या अध्यक्षस्थानी संस्थेच्या चेअरमन Hemlataben Shah होत्या. प्रमुख पाहुणे म्हणून Mahesh Potdar, विस्तार अधिकारी संजय बागले, संस्थेचे सचिव ॲड. राजेश कुलकर्णी, शकुंतला पाटील, ॲड. स्मिता जैन, प्रविणा कुलकर्णी, ताराबाई बेलदार, डॉ. सायली वैद्य, मुख्याध्यापिका प्रतिभा बोरसे, प्राचार्य नयना पाटील आदी मान्यवर उपस्थित होते.
इयत्ता १ली ते १२वीपर्यंतच्या विद्यार्थ्यांनी वर्षभरात विविध शैक्षणिक, स्पर्धा परीक्षा व क्रीडा स्पर्धांमध्ये उल्लेखनीय यश संपादन केले. या विद्यार्थ्यांना भेटवस्तू, सन्मानपत्र व पारितोषिके देऊन गौरविण्यात आले.
यावेळी मार्गदर्शन करताना महेश पोतदार म्हणाले की, “विद्यार्थी हे देशाचे भावी आधारस्तंभ आहेत. मन लावून अभ्यास करा आणि शाळेचे तसेच देशाचे नाव उज्ज्वल करा. यश मिळविण्यासाठी सातत्याने मेहनत व परिश्रम आवश्यक आहेत.”
कार्यक्रमाचे प्रास्ताविक मुख्याध्यापिका प्रतिभा बोरसे व प्राचार्य नयना पाटील यांनी केले. सूत्रसंचालन अर्चना पवार व डॉ. मोहिनी भवरे यांनी केले, तर आभार गायत्री सोलंकी यांनी मानले.
कार्यक्रमाच्या यशस्वीतेसाठी शिक्षक, शिक्षकेतर कर्मचारी, विद्यार्थी व पालक मोठ्या संख्येने उपस्थित होते.
