सांगली | प्रतिनिधी :
सांगलीचे जिल्हाधिकारी अशोक काकडे यांची बदली करण्यात आली असून त्यांच्या जागी २०१९ बॅचचे आयएएस अधिकारी डॉ. मैनाक घोष यांची नियुक्ती करण्यात आली आहे. सामान्य प्रशासन विभागाचे सहसचिव सुभाष उमराणीकर यांनी याबाबत आदेश जारी केले.
फेब्रुवारी २०२५ पासून अशोक काकडे यांनी सांगलीचे जिल्हाधिकारी म्हणून कार्यभार सांभाळला होता. त्यांच्या बदलीनंतर त्यांची मुंबई येथील कृषी औद्योगिक विकास महामंडळाच्या व्यवस्थापकीय संचालकपदी नियुक्ती करण्यात आली आहे.
नवीन जिल्हाधिकारी डॉ. मैनाक घोष हे यापूर्वी यवतमाळ व धाराशिव येथे जिल्हा परिषदेचे मुख्य कार्यकारी अधिकारी म्हणून कार्यरत होते. बायोकेमिस्ट्रीमध्ये पीएचडी धारक असलेले घोष मूळचे कलकत्ता येथील आहेत.
दरम्यान, धाराशिव जिल्हा परिषदेच्या मुख्य कार्यकारी अधिकारीपदी डॉ. प्रियवंदा महाडदळकर यांची नियुक्ती करण्यात आली आहे.
