अंदरसुल | प्रतिनिधी :
विंचूर येथील निसर्ग लॉन्स येथे महाराष्ट्र राज्य बांधकाम कामगार विभागांतर्गत नोंदणीकृत कामगारांचा मेळावा उत्साहात पार पडला. या मेळाव्यास खासदार समीर भाऊ भुजबळ प्रमुख उपस्थित होते.
या कार्यक्रमात २५ बांधकाम कामगारांना सुरक्षा किट तर १७५ कामगारांना घरगुती भांडी किटचे वाटप करण्यात आले. या योजनेचा लाभ मिळाल्याने कामगार व त्यांच्या कुटुंबीयांमध्ये समाधानाचे वातावरण दिसून आले.
यावेळी उपस्थित कामगारांना शासनाच्या विविध कल्याणकारी योजनांची सविस्तर माहिती देण्यात आली. पात्र लाभार्थ्यांना पारदर्शक पद्धतीने त्यांच्या हक्काचे साहित्य वेळेत मिळावे यासाठी आपण कटिबद्ध असल्याचा विश्वास खासदार समीर भाऊ भुजबळ यांनी व्यक्त केला.
या कार्यक्रमास पक्षाचे पदाधिकारी, कामगार विभागाचे अधिकारी तसेच तालुक्यातील मोठ्या संख्येने बांधकाम कामगार उपस्थित होते.
