📝 पुरंदर (प्रतिनिधी) :
सासवड शहरात “त्रिशलानंदन वीर की जय, बोलो महावीर की” या जयघोषात भगवान महावीर जयंती मोठ्या उत्साहात साजरी करण्यात आली. दिगंबर जैन मंदिर येथे ध्वजारोहण करून कार्यक्रमाची सुरुवात करण्यात आली.
त्यानंतर कुंथुनाथ जैन मंदिर येथून भव्य वरघोडा काढण्यात आला. वाद्यवृंद, दांडिया नृत्य आणि भगवान महावीरांच्या जयघोषात निघालेल्या या मिरवणुकीने संपूर्ण सासवड शहर भक्तिमय वातावरणात न्हाऊन निघाले. या वेळी शहरातील सकल जैन समाज मोठ्या संख्येने उपस्थित होता.
मिरवणुकीचा समारोप नामदेव मंदिर येथे झाला. येथे आयोजित कार्यक्रमात गुणवंतांचा सत्कार करण्यात आला. लहान मुलांनी विविध कलागुण सादर करत उपस्थितांची मने जिंकली, तर महिलांनी महावीर स्वामींच्या जन्मगीतावर आकर्षक नृत्य सादर केले.
यावेळी दिगंबर जैन समाजाच्या नवीन कार्यकारिणीची नियुक्ती करण्यात आली. त्यांचा सत्कार धनपाल पाटील व डॉ. मगदुम यांच्या हस्ते करण्यात आला. कार्यक्रमाचा समारोप महावीर आरती व मंगल दिवोने करण्यात आला.
या प्रसंगी जैन संघटनेचे अध्यक्ष अशोक ओसवाल, बाबुशेठ सोळंकी, कपिल सोलंकी, रमेश ओसवाल, विवेक सोलंकी, ईश्वर बागमार, गिरीश कर्नावट, शैलेश कुवाड, प्रशांत गीते, उज्ज्वल सुराणा, मयूर नर्ते, विजय जैन, संतोष परभणकर आदी मान्यवर उपस्थित होते.
कार्यक्रमाचे नियोजन कपिल ओसवाल, निलेश डाकले व विकास सोलंकी यांनी केले. सूत्रसंचालन मुन्ना शेठ सोळंकी व कल्याण सुराणा यांनी केले, तर आभार महेंद्र ओसवाल यांनी मानले.
