📝 येवला (प्रतिनिधी) :
जिल्हा परिषद आदर्श प्राथमिक शाळा अंदरसुल मुली, ता. येवला येथे विद्यार्थिनींचा वार्षिक पारितोषिक वितरण सोहळा उत्साहात पार पडला. या कार्यक्रमात विविध स्पर्धांमध्ये उल्लेखनीय यश संपादन करणाऱ्या विद्यार्थिनींचा तसेच शिक्षकांचा गौरव करण्यात आला.
नुकतीच जिल्हास्तरीय स्पेलिंग बी स्पर्धेत प्रथम क्रमांक पटकावून माननीय मुख्य कार्यकारी अधिकारी ओमकार पवार यांच्या प्रेरणेने ‘ज्ञानयात्री’ उपक्रमांतर्गत दिल्ली अभ्यास दौरा करून आलेल्या श्रावणी शिनगारे हिचा ग्रामस्थांच्या वतीने सत्कार करण्यात आला. तसेच जिल्हास्तरीय वक्तृत्व स्पर्धेत प्रथम क्रमांक मिळवलेल्या सृष्टी खान्देशी व आरुषी विटनोर यांचाही सन्मान करण्यात आला.
वर्षभरात विविध उपक्रमांमध्ये तालुका व जिल्हास्तरावर यश मिळवलेल्या आराध्या देशमुख, आराध्या कदम, अवंतिका थोरात, समूहगीत गट तसेच राज्यस्तरावर इंग्लिश ऑलिम्पियाडमध्ये विशेष प्राविण्य मिळवलेल्या भारती आगवन हिचाही यथोचित गौरव करण्यात आला. विद्यार्थिनींसह त्यांच्या पालकांचाही सत्कार करण्यात आला.
यावेळी आदर्श शिक्षक पुरस्कार प्राप्त माननीय बाबासाहेब बेरगळ सर यांचा ग्रामस्थांच्या वतीने विशेष सन्मान करण्यात आला. तसेच वर्षभर उत्कृष्ट उपक्रम राबविणाऱ्या सर्व शिक्षकांचा सत्कार करून त्यांचा गौरव करण्यात आला. सन २०२५-२६ मध्ये बदली झालेल्या मुक्तानंद सोमासे सर, आशा वर्पे मॅडम व सुमित्रा दातीर मॅडम यांनाही भेटवस्तू देऊन सन्मानित करण्यात आले.
कार्यक्रमाला गटशिक्षणाधिकारी संजय कुसाळकर यांची प्रमुख उपस्थिती लाभली. यावेळी केंद्रप्रमुख नारायण डोखे, सरपंच लताताई जानराव, भगवान जाधव, मकरंद सोनवणे, झुंजारराव देशमुख, एकनाथ जानराव, योगेश जहागीरदार, सुनील देशमुख, गणेश कासार, शरद जगताप, अप्पासाहेब देशमुख गुरुजी, दीपक देशमुख, संतोष घोडेराव, ज्ञानेश्वर सूर्यवंशी, नरेंद्र खान्देशी, देविदास राऊत, अरुण विटनोर, सुधीर देशमुख तसेच शाळा व्यवस्थापन समितीच्या अध्यक्षा जयश्री माळी, उपाध्यक्षा पुनम गायकवाड व सदस्य, पालक मोठ्या संख्येने उपस्थित होते.
कार्यक्रमाच्या यशस्वीतेसाठी मुख्याध्यापक बाबासाहेब बेरगळ यांच्यासह विलास जानराव, किशोरी नाकोड, मनोरमा सोनवणे, जयश्री पालवे, गोकुळदास गलांडे, रामेश्वरी क्षीरसागर, मनीषा कंठाळे, प्रदीप अहिरे, संदीप कांडेकर व पंडित गरुड यांनी विशेष प्रयत्न केले.
