परतूर (प्रतिनिधी) : स्व. बाबासाहेब (भाऊ) आकात जयंतीनिमित्त लाल बहादुर शास्त्री महाविद्यालय, परतूर येथे मराठवाडा सर्वोदय शिक्षण प्रसारक मंडळातर्फे “शिक्षण महर्षी स्व. बाबासाहेब (भाऊ) आकात स्मृती पुरस्कार-२०२६ (वर्ष चौथे)” वितरण सोहळा उत्साहात पार पडला. यावेळी प्रसिद्ध चित्रपट दिग्दर्शक, पटकथाकार, निर्माते, अभिनेते व कवी नागराज मंजुळे यांना प्राचार्य डॉ. भागवत कटारे यांच्या हस्ते सन्मानित करण्यात आले.
कार्यक्रमाच्या अध्यक्षस्थानी कपिल आकात होते. प्रमुख उपस्थिती म्हणून प्रसिद्ध गीतकार व साहित्यिक दासू वैद्य, प्राचार्य डॉ. शिवाजी मदन, संस्थेच्या अध्यक्षा आशाताई आकात, उपाध्यक्ष डॉ. कुणाल आकात, विद्यापीठ अधिसभा सदस्य प्रा. डॉ. मुंजाभाऊ धोंडगे, अभिनेते-दिग्दर्शक राजकुमार तांगडे, संभाजी तांगडे, तसेच इतर मान्यवर उपस्थित होते.
यावेळी पुरस्कार समन्वय समितीचे सदस्य, विविध शैक्षणिक संस्थांचे प्राचार्य, शिक्षक, शिक्षकेत्तर कर्मचारी व परिसरातील नागरिक मोठ्या संख्येने उपस्थित होते. कार्यक्रम उत्साहपूर्ण वातावरणात संपन्न झाला.
