‘विश्व नवकार दिवस’ निमित्त नवकार पत्र विमोचनाची घोषणा उत्साहात

दोंडाईचा : येथील दादावाडी येथे ३ एप्रिल रोजी सकाळी ८ वाजता आयंबिल पारणा कार्यक्रम उत्साहपूर्ण वातावरणात पार पडला. या कार्यक्रमादरम्यान येत्या विश्व नवकार दिवस निमित्त होणाऱ्या नवकार पत्र विमोचन सोहळ्याची अधिकृत घोषणा करण्यात आली. हा सोहळा ९ एप्रिल रोजी दादावाडी येथे जैन समाजातील विविध संघटनांच्या मान्यवर अध्यक्षांच्या हस्ते पार पडणार आहे.

विमोचन सोहळ्यासाठी मनोज मालू, दिनेश कर्णावट (सकलसंघ), रितेश गुलेच्छा, भिकमचंद बोथरा (जैन सोशल ग्रुप), प्रदीप मुनोत, प्रकाश कुचेरिया, राजेश मुनोत (तेरापंथ सभा), नयन बाफना, डुंगरमलजी बाफना, धर्मचंदजी बोथरा (मूर्ती पूजन संघ), रितेश सोलंकी, अभिनंदन सांचेती (जैन ड्यूड्स), अनिल पारख, अशोकजी चोरडिया, अभयजी खीवसरा (स्थानक संघ), सुभाषजी बडजात्या (दिगंबर समाज), विनोद बोथरा (युवा जैन सोशल ग्रुप) तसेच इतर मान्यवर उपस्थित राहणार आहेत.

तसेच JITO Ladies Wing (JLW) दोंडाईचा यांच्या वतीने चेअरपर्सन सुगंधा जैन, चीफ सेक्रेटरी हर्षा कांकरीया, नम्रता कावड, डॉ. कल्याणी मुनोत, सपना जैन, ममता गोलेच्छा, पूनम बाफना (कोर कमिटी) तसेच कनेक्टिंग कमिटीतील सुवर्णा रुणवाल, रुपाली मालू, सीमा खीवसरा, दीपा पारखा यांच्या उपस्थितीत कार्यक्रमाची रूपरेषा जाहीर करण्यात आली.

JLW दोंडाईचा कोर कमिटीच्या पुढाकाराने आयोजित या कार्यक्रमाला जैन समाजबांधवांचा उत्स्फूर्त प्रतिसाद मिळत असून, ९ एप्रिल रोजी सकाळी ८ वाजता दादावाडी येथे होणाऱ्या नवकार मंत्र जप व विमोचन सोहळ्यास सर्वांनी उपस्थित राहावे, असे आवाहन करण्यात आले आहे.