माळशिरस तालुका : मौजे कोथळे येथे पारंपरिक तेल्या भुत्याच्या कावडीचे पूजन मोठ्या उत्साहात पार पडले. या धार्मिक कार्यक्रमाला जनतेसह प्रशासनातील मान्यवरांची उपस्थिती लाभली. तालुक्याचे प्रथम नागरिक आमदार उत्तमराव जानकर यांच्या हस्ते कावडीचे पूजन करण्यात आले.
यावेळी पंचायत समितीचे सभापती दत्तात्रय मगर, उपसभापती मनीषाताई पाटील, जिल्हा परिषद सदस्य अर्जुनसिंह मोहिते-पाटील, गौतम माने यांची प्रमुख उपस्थिती होती. तसेच पंचायत समितीच्या आरोग्य विभागाच्या स्टॉललाही मान्यवरांनी भेट देत माहिती घेतली.
कार्यक्रमास देवीदास ढोपे (तालुका अध्यक्ष), पांडुरंग तात्या वाघमोडे, रेश्मा माने, मानसिंग मोहिते, बाबासाहेब माने, अमोल पाटील, सुनिल माने, उत्तमराव माने शेंडगे, तहसिलदार सुरेश शेजुळ, गटविकास अधिकारी रघुनाथ पांढरे, पोलिस निरीक्षक विशाल वायकर, नायब तहसिलदार अमोल कदम यांच्यासह विविध विभागांचे अधिकारी उपस्थित होते.
तसेच कोथळे येथील सरपंच रेखाताई माने, उपसरपंच तानाजी किसवे, ग्रामपंचायत सदस्य आणि पंचक्रोशीतील ग्रामस्थ व भाविक भक्त मोठ्या संख्येने उपस्थित होते. पारंपरिक श्रद्धा, भक्तीभाव आणि उत्साहाचे दर्शन घडवणारा हा सोहळा मोठ्या जल्लोषात संपन्न झाला.
