तळेगाव रोही (प्रतिनिधी) :
भारतरत्न B. R. Ambedkar सार्वजनिक जयंती उत्सव समिती, तळेगाव रोही (वर्ष २७ वे) ची बैठक उत्साहात पार पडली. या बैठकीत सन २०२६ सालाकरिता समितीची नवीन कार्यकारिणी जाहीर करण्यात आली.
समितीच्या मार्गदर्शक संघटकपदी वनिता संदीप केदारे (ग्रामपंचायत सदस्या) यांची निवड करण्यात आली. अध्यक्षपदी संदीप सुरेश केदारे, उपाध्यक्षपदी आतितोष संतोष गांगुर्डे, कार्याध्यक्षपदी भाऊसाहेब धर्माजी केदारे, तर उपकार्याध्यक्षपदी आनंदा सखाराम केदारे यांची निवड झाली.
सचिवपदी सिद्धार्थ (सोनुभाऊ) सुखदेव केदारे, सहसचिवपदी पंढरीनाथ गोपाळा केदारे, खजिनदारपदी भारत दिलीप केदारे, सहखजिनदारपदी राहुल प्रभाकर केदारे, कोषाध्यक्षपदी प्रदीप बबन केदारे व उपकोषाध्यक्षपदी बाळू बबन केदारे यांची निवड करण्यात आली. तसेच सल्लागारपदी विशाल गणेश केदारे यांची नियुक्ती करण्यात आली.
नवनिर्वाचित पदाधिकाऱ्यांनी डॉ. बाबासाहेब आंबेडकर जयंती उत्सव मोठ्या उत्साहात, शिस्तबद्ध पद्धतीने आणि विविध सामाजिक, शैक्षणिक व सांस्कृतिक कार्यक्रमांच्या माध्यमातून साजरा करण्याचा संकल्प व्यक्त केला.
यावेळी उपस्थित मान्यवरांनी डॉ. बाबासाहेब आंबेडकर यांच्या विचारांचा प्रसार करणे, शिक्षणाचे महत्त्व समाजात रुजवणे तसेच समता, बंधुता आणि न्यायाचा संदेश जनतेपर्यंत पोहोचवणे हेच जयंती उत्सवाचे मुख्य उद्दिष्ट असल्याचे सांगितले. बैठकीस गावातील नागरिक, युवक व समाजबांधव मोठ्या संख्येने उपस्थित होते.
