गेवराई (प्रतिनिधी) :
गेवराई तालुक्यातील मारुतीचे (ठाकर) आडगांव येथे श्री हनुमान जन्मोत्सवानिमित्त अखंड हरिनाम सप्ताह व ज्ञानेश्वरी पारायण सोहळ्याचे आयोजन करण्यात आले आहे. श्री महारुद्र मंदिर परिसरात हा धार्मिक सोहळा दरवर्षीप्रमाणे यंदाही मोठ्या उत्साहात सुरू झाला आहे.
हभप वै. काशिनाथ महाराज लिंबारुईकर यांच्या शुभआशीर्वादाने तसेच हभप वै. निवृत्ती महाराज काळे यांच्या प्रेरणेने आणि ग्रामस्थांच्या सहकार्याने गेल्या सत्तर वर्षांपासून ही परंपरा सुरू आहे. ग्रामस्थ व तरुणांच्या पुढाकारातून या सोहळ्याचे आयोजन करण्यात आले आहे.
दि. ३ ते १० एप्रिल दरम्यान विविध किर्तन व धार्मिक कार्यक्रमांचे आयोजन करण्यात आले आहे. यात हभप लक्ष्मण महाराज खरात, हभप महेश महाराज काटे, हभप ज्ञानेश्वर महाराज माजलगांवकर, हभप महंत नामदेव महाराज शेकटेकर, हभप सत्यवान महाराज लाटे, हभप योगेश महाराज यादव आणि हभप नाना महाराज कदम यांच्या किर्तनसेवा होणार आहेत.
दि. १० एप्रिल रोजी हभप महंत विष्णू महाराज जगताप यांच्या अमृततुल्य वाणीतून काल्याचे कीर्तन होणार असून त्यानंतर महाप्रसादाचे आयोजन करण्यात आले आहे. महाप्रसाद श्री भागवत क्षीरसागर यांच्या हस्ते होणार असून परिसरातील भाविकांनी याचा लाभ घ्यावा, असे आवाहन ग्रामस्थांकडून करण्यात आले आहे.
