पाथरी (प्रतिनिधी) :
के.के.एम महाविद्यालयात दि. २ एप्रिल २०२६ रोजी राज्यशास्त्र विभागाच्या वतीने विद्यार्थ्यांमध्ये स्पर्धा परीक्षेबाबत गोडी निर्माण व्हावी तसेच स्पर्धात्मक युगात ते सक्षम व्हावेत या उद्देशाने सामान्य ज्ञान प्रश्नमंजुषा स्पर्धेचे आयोजन करण्यात आले होते.
या स्पर्धेत एकूण १२० विद्यार्थ्यांनी उत्स्फूर्त सहभाग नोंदवला. स्पर्धेतील गुणवंत विद्यार्थ्यांना रोख रक्कम व प्रमाणपत्र देऊन गौरविण्यात आले.
स्पर्धेतील यशस्वी विद्यार्थी पुढीलप्रमाणे –
प्रथम क्रमांक: सागर संतोष पांढरे, शहाणे अशोक दीपक
द्वितीय क्रमांक: धर्माधिकारी वैष्णवी आदेश
तृतीय क्रमांक: प्रशांत विष्णू उकलकर
उत्तेजनार्थ: रखमेश शिंदे
या विद्यार्थ्यांना संस्थेचे संचालक श्री. दिलीपजी हिबारे, प्राचार्य डॉ. भास्कर मुंडे, प्राचार्य डॉ. नागनाथ कदम तसेच राज्यशास्त्र विभागप्रमुख डॉ. पंडित मोरे यांच्या हस्ते बक्षीस व प्रमाणपत्र प्रदान करण्यात आले.
कार्यक्रमामध्ये विद्यार्थ्यांमध्ये स्पर्धा परीक्षांविषयी जागरूकता निर्माण व्हावी व त्यांना प्रोत्साहन मिळावे या हेतूने असे उपक्रम नियमितपणे राबविले जात असल्याचे सांगण्यात आले. या उपक्रमास विद्यार्थ्यांचा उत्स्फूर्त प्रतिसाद मिळाला.
कार्यक्रमाच्या यशस्वी आयोजनासाठी प्राचार्य डॉ. भास्कर मुंडे, उपप्राचार्य के. जी. हुगे, पर्यवेक्षक प्रा. अनिल कापसे यांचे मोलाचे सहकार्य लाभले. संस्थाचालक व प्राचार्यांनी उपक्रमाचे कौतुक करून समाधान व्यक्त केले.
