अकोला :
दि. ०४/०४/२०२६ रोजी खदान पोलीस स्टेशन हद्दीतील कौलखेड परिसरात वेगवेगळ्या ठिकाणी झालेल्या मारहाण व जीवघेण्या हल्ल्याच्या तीन गंभीर घटनांप्रकरणी पोलिसांनी मोठी कारवाई करत सर्व आरोपींना अटक केली असून गुन्ह्यात वापरलेल्या तीन मोटारसायकली जप्त करण्यात आल्या आहेत.
या प्रकरणी खदान पोलीस स्टेशन येथे गुन्हा क्रमांक ८५५/२०२६, ८५६/२०२६ व ८५७/२०२६ अन्वये भारतीय न्याय संहिता (BNS) अंतर्गत विविध कलमांनुसार गुन्हे दाखल करण्यात आले होते.
तपासादरम्यान आरोपी खडकी शेतशिवार, तालुका बार्शीटाकळी, जिल्हा अकोला येथे लपून बसल्याची माहिती मिळाली होती. त्यानुसार SDPO पथक, खदान पोलीस स्टेशन पथक तसेच स्थानिक गुन्हे शाखेच्या पथकाने संयुक्त कारवाई करत तांत्रिक विश्लेषण व गोपनीय माहितीच्या आधारे आरोपींचा शोध घेऊन त्यांना ताब्यात घेतले.
दि. ०५/०४/२०२६ रोजी करण्यात आलेल्या या कारवाईत पुढील आरोपींना अटक करण्यात आली आहे —
१) सुनील बलखंडे (वय १८, रा. न्यू खेतान नगर, अकोला)
२) धनंजय संदीप ढाले (वय १९, रा. TTM कॉलेज जवळ, अकोला)
३) शिवम उर्फ शुभम संजय शेळके (वय १९, रा. हिंगणा नाका जवळ, अकोला)
४) गौरव सुनील चव्हाण (वय २०, रा. खडकी)
५) एक विधी संघर्षग्रस्त बालक
यातील काही आरोपींवर यापूर्वीही गुन्हे दाखल असल्याची माहिती समोर आली आहे. प्राथमिक चौकशीत जुना आपसी वाद असल्याचे आरोपींनी सांगितले असून पुढील तपास खदान पोलीस स्टेशनकडून सुरू आहे.
ही कारवाई पोलीस अधीक्षक अर्चित चांडक, अपर पोलीस अधीक्षक बी. चंद्रकांत रेड्डी, उपविभागीय पोलीस अधिकारी सुदर्शन पाटील यांच्या मार्गदर्शनाखाली पोलीस निरीक्षक शंकर शेळके यांच्या नेतृत्वात API विजय चव्हाण, PSI गोपाल जाधव, PSI विष्णू बोडखे, PSI मजीद खान तसेच पोलीस कर्मचारी यांनी केली.
