श्रीगोंदा (प्रतिनिधी) :
श्रीगोंदा येथील ज्येष्ठ पत्रकार अनिल दशरथ तुपे यांनी बारामती विधानसभा मतदारसंघासाठी उमेदवारी अर्ज दाखल केला आहे. दिनांक ४ एप्रिल २०२६ रोजी त्यांनी निवडणूक निर्णय अधिकारी यांच्याकडे आपला अर्ज सादर केला.
अर्ज दाखल करण्यापूर्वी त्यांनी अजितदादा यांना श्रद्धांजली अर्पण केली. अनिल तुपे हे गेल्या अनेक वर्षांपासून पत्रकारिता क्षेत्रात कार्यरत असून सामाजिक व राजकीय घडामोडींमध्ये त्यांचा सक्रिय सहभाग राहिला आहे.
यापूर्वी २००९ साली त्यांनी कर्जत-जामखेड विधानसभा मतदारसंघातून निवडणूक लढवली होती. आता पुन्हा एकदा बारामती मतदारसंघातून निवडणुकीच्या रिंगणात उतरून त्यांनी आपली राजकीय सक्रियता दाखवली आहे.
त्यांच्या उमेदवारीमुळे बारामती मतदारसंघातील राजकीय वातावरणात चांगलीच उत्सुकता निर्माण झाली असून आगामी निवडणुकीत रंगत वाढण्याची शक्यता व्यक्त होत आहे.
