मलकापूर (जि. बुलढाणा) | प्रतिनिधी
पिंपरी पेंढार गावातील सामाजिक क्षेत्रात उल्लेखनीय कार्य करणारे श्री अशोक मा. दुरगुडे यांना ‘महाराष्ट्र एक्सलन्स पुरस्कार २०२६’ जाहीर झाला आहे. त्यांच्या विविध सामाजिक, शैक्षणिक आणि पत्रकारितेतील योगदानाची दखल घेऊन हा सन्मान प्रदान करण्यात येत आहे.
श्री दुरगुडे सध्या एका पतसंस्थेचे संचालक असून त्यांनी यापूर्वी शाळा व्यवस्थापन समितीचे अध्यक्ष म्हणून कार्य केले आहे. शाळेच्या भौतिक सुविधांसाठी त्यांनी विशेष योगदान दिले आहे. तसेच ते गणेश मंडळाचे सचिव म्हणूनही सक्रिय राहिले असून सामाजिक उपक्रमांमध्ये त्यांचा सहभाग उल्लेखनीय आहे. पत्रकारितेच्या माध्यमातूनही ते समाजातील विविध प्रश्न मांडत असतात.
महाराष्ट्र दिनाच्या औचित्य साधून ६ मे २०२६ रोजी महाराष्ट्र ग्रामीण न्यूजच्या वतीने पुणे विभागातून हा पुरस्कार प्रदान करण्यात येणार आहे. हा सोहळा ता. मलकापूर, जि. बुलढाणा येथे पार पडणार आहे.
या पुरस्कारामुळे त्यांच्या कार्याला अधिक प्रेरणा मिळेल, अशी भावना स्थानिक नागरिकांनी व्यक्त केली आहे.
